• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : نفثات أم .
                          • الكاتب : عوده ضاحي التميمي .

نفثات أم

 بعد ان اقدس دماء الشهداء واقبّل تراب اقدام المحررين أقول
( يمته اتعود)

أمس .....رد الحمام ابردت الكاع .......أوردت تشعل الليل المواعيد
أمس... خضرت الصبخه والعطش مات...أورد الحيل لجفوف الحواصيد
واتلاكن ابشوك اجفوف الاحباب ....وشفاف المحبه اتكول وتعيد
أمس ....بالشارع الوادم يغنون .......... من ردت لهاليها الجواديد
وامك لازمات اعيونها الباب ......تنتظرك ا وتصفك إيد بالأيد
غصّت بالدمع والدمع تيزاب ......تهومش روحها اوماتكدر اتهيد
جايمته ترد ردوا الغياب ........ اوكرب من العيون اخيال الابعيد
جايمته ترد موخلص رمضان .......عيد اوعيدوا الأطفال بالعيد
أحس اليتم بطفالك يمكرود ....... واشوف الفرح عن اعيالك ابعيد
صحيح الوطن غالي ابدمنه نفديه .... ولانرضه تبث سمها العرابيد
لاجن ليش بالقسمه اويه الازغار.......اوفوك الساتر ابساعة التهديد
مانعرف نعيش اونعرف انموت...... .. يعرفنه وطنه بس هواديد
وابوكت النفاهه اتشوفنه ارقام ...... اولوطكت نصير احنه الصناديد
نزفنه ادموم فوك ادموم واسنين ....تعض بينه الحروب انريد منريد
انولدنه اوربت ويانه الشعارات .......اومن انجوع ترضعنه الاناشيد
احنه امن الزغر بس ندفع ادموم ..... ..حته البشوات اقصورها اتزيد
ابن المسعده مانزف فد يوم ......... .. لجل الوطن لوجنّده التجنيد
اوأبد ماشفنه ضحه ابابنه مسئول.......ليش التضحيه بس عالمكاريد.؟
يظهر بالشهاده ابد متلوك ............. للبيكات وولاد الكواو ......
الشهاده ثوب والفقره يلبسوه...........لأن بس همه بالديره الاجاويد




  • المصدر : http://www.kitabat.info/subject.php?id=112250
  • تاريخ إضافة الموضوع : 2017 / 12 / 11
  • تاريخ الطباعة : 2024 / 03 / 28