• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : كعبة تبقى كربله ببطالها .
                          • الكاتب : سعيد الفتلاوي .

كعبة تبقى كربله ببطالها

كعبة تبقى كربله ببطالها
وتبقى هيّه مضرب لامثالها
,,,,,,,,,,,,,,,,,
نلطم احنه لكربله في كل زمن
هاي ارض البيها الوان المحن
اتحولت بحسين الى جنة عدن
لولا دمّ حسين ماصح حالها
كعبة تبقى كربله ببطالها
,,,,,,,,,,,,,,,,,,,,,,
نلطم احنه للأبد لمصابها
ونوگف ابأِجلال كلنه ابابها
كربله لهل ساعه بينه صوابها
يوم كربْ اويه البلاء الطالها
كعبة تبقى كربله ببطالها
,,,,,,,,,,,,,,,,,,,,,,
حرّه زينب ماتطخ براسها
من ظلم اولاد اميّة انجاسها
حگها تصرخ بالحزن عبّاسها
الله يرحم من نعى لابطالها
كعبة تبقى كربله ببطالها
,,,,,,,,,,,,,,,,,,,,,,
سكنه تندب للگمر يبرالها
عمها ياعباس شوف شحالها
انت فخر العايله وعز حالها
وانت نخوةحيدر وآمالها
كعبة تبقى كربله ببطالها
,,,,,,,,,,,,,,,,,,,,,,
نوصلچ يكربله حي دارچ
نقصد احنه باللطم لبرارچ
فتوى تصدر بالحُرُم اعدئچ
رد عليهم بالجواب اشبالها
كعبة تبقى كربله ببطالها
,,,,,,,,,,,,,,,,,,,,,,
راية تحمل بالمسيرة احرارچ
راية العباس بيها اسرارچ
سر الاهي من تشع بانوارچ
راية الانوار تعلى بجالها
كعبة تبقى كربله ببطالها
,,,,,,,,,,,,,,,,,,,,,,
شبان نفدي من نزور ارواحنه
مايهمنه من يعادي افكارنه
ننذر احنه من نزور اعمارنه
صرخة وحدة ياعلي عز حالها
كعبة تبقى كربله ببطالها
وتبقى هيّه مضرب لامثالها
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
خادم اهل البيت ع
سعيد الفتلاوي الطويرجاوي




  • المصدر : http://www.kitabat.info/subject.php?id=11550
  • تاريخ إضافة الموضوع : 2011 / 11 / 22
  • تاريخ الطباعة : 2024 / 03 / 29