• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : نواعي ,,,,بحق قمر بني هاشم ( ع ) .
                          • الكاتب : سعيد الفتلاوي .

نواعي ,,,,بحق قمر بني هاشم ( ع )

يعباس الوفه منّك وأَصْلَه
 
منو مثلك رحِم انت واصِلَه
 
ردِت يم گبّتك انعى واصِلْهَ
 
يبن حيدر علي حامي اخيّه
 
,,,,,,,,,,,,,,,,,
 
اريد انعى ووِن عندك وَنوحِن
 
على آدم ماجرَ مثْلَك ونُوحن
 
وَصِل گبرك جراحاتي ينوحَن
 
وشِمْ ريحَتْ تُرُبْتَك الزچيّه
 
,,,,,,,,,,,,,,,,,
 
ابو فاضل گمَر هاشم وغِيره
 
يناعي هلأِسم من يِغِيْره
 
اريد اسأل منو حبَّك يِغَيْره
 
منو مثلك يبوفاضل يالشفيّه
 
,,,,,,,,,,,,,,,,,
 
صرت انت المَثُل اِنّه وعَبْره
 
شفاعتكم صراط اِنّه وَعَبْره
 
أَليِمه فاجعتكم تبقَ عِبره
 
صرت اكبر رمز يبنِ الز چيّه
 
,,,,,,,,,,,,,,,,
 
يَخويه بالمدينه ماأِلي سِرّه
 
خبرنه الْيِسِمعه مَن يِسِرّه
 
عجيبه الناصبي هَلْخبر سَرّه
 
أِلاهي أِقبَلْ حِزِن هَلْشيعه علينه
 
,,,,,,,,,,,,,,,,
 
اريد انعى على حسين وعلى آثاره
 
مصيبة كربله شْبيهه اِثاره
 
صرخ كلمن يحبكم يا لِثاره
 
مصيبتكم عظيمة شگد علينه
 
,,,,,,,,,,,,,,,,
 
عباس الجَدَّم يمِنته ويِسارَه
 
منو مثلك لخيّه ضَيْ وسارَه
 
يبو نفس الابيّه لمَّه سارّْهَ
 
الك حسْرت حِزِن مامِن مثله
 
,,,,,,,,,,,,,,,,
 
عباس ياضَنه حيدر يَوَعْده
 
اِجه يمّ ِالوصيْ بيّه يوِعْده
 
هلا بالوفَّ وعودَ وعَدَّه
 
وعد انت توفيه لابن الز چيّه
 
,,,,,,,,,,,,,,,,
 
يبن فحل الفحول وفَخْرَ وجُوده
 
وبن جامع كتاب الله وجوِّده
 
فَخَرْ للكون انتو سِر وجوده
 
يسرّ الله فديناكم عُمُرنه
 
,,,,,,,,,,,,,,,,
 
تِمنِيت الزمن يرجع اعاده
 
وقاتِل مَن اِلك واجَه وعاده
 
نِموت ونفتديكم اِنَّ عاده
 
محبَّتكم نجاة اِنَّ بيه



  • المصدر : http://www.kitabat.info/subject.php?id=11829
  • تاريخ إضافة الموضوع : 2011 / 12 / 02
  • تاريخ الطباعة : 2024 / 03 / 28