• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : ابو الباقر مولانه .
                          • الكاتب : سعيد الفتلاوي .

ابو الباقر مولانه

 
ابو الباقر علي السجاد مولانه

على مصابك تظل الروح حزنانه

................

چبيره مْصيبة العتره يبن كوثر

عليها الشيعه متأثره وِتـطبر

ضَرِب عالهامه كلها تصيح ياحيدر

ابو السجاد للاسلام عنوانه

ابو الباقر علي السجاد مولانه

على مصابك تظل الروح حزنانه

................

يشوف المَي تهل دموعه ميْشربه

على الشافه بليالي الضيم والغربه

اَليِمه شگد عليه ايّامها الصعبه

على حزنك نظل نلطم يرجوانه

ابو الباقر علي السجاد مولانه

على مصابك تظل الروح حزنانه

................

صعب حزنك على بن بضعة الهادي

الم فرگاه على على گلبك بقى سادي

تنوح عليه گضه عمرك اله تنادي

ابو الاحرار دين الله يميزانه

ابو الباقر علي السجاد مولانه

على مصابك تظل الروح حزنانه

................

قدت حوزة علم جدّك يبو الباقر

بقيت اتجاهد بعلمك بلا ناصر

زعيم الادعيه باسمك بحر هادر

صحيفه تبقى تشهد لك يديوانه

ابو الباقر علي السجاد مولانه

على مصابك تظل الروح حزنانه

................

امام الصبر والانّات يالسجاد

مَثَل صبرك عظيم وتشهد الاحفاد

منو يگدر على حملك يبو الاسياد

دموعك تبقى عبره انّه يسلوانه

ابو الباقر علي السجاد مولانه

على مصابك تظل الروح حزنانه

................

نظل نبچي على فگده مَنِتغيّر

عدو اليمنع عزانه عليه فلا يذكر

ابد ميدوم كل طاغي ولِتْكبّر

عجيبه مصابه اشسوّه بِعِدوانه

ابو الباقر علي السجاد مولانه

على مصابك تظل الروح حزنانه

................

صرت انت احد خمسة انس يبچون

مصاب الفاجعه بيكم ابد ميهون

تراه الكون هذا اليوم بيه محزون

يزين العابدين اَصرخ خله مچانه

ابو الباقر علي السجاد مولانه

على مصابك تظل الروح حزنانه

...........................................
...........................................
خادم اهل البيت ع
سعيد الفتلاوي الطويرجاوي




  • المصدر : http://www.kitabat.info/subject.php?id=12311
  • تاريخ إضافة الموضوع : 2011 / 12 / 20
  • تاريخ الطباعة : 2020 / 09 / 19