• الموقع : كتابات في الميزان .
        • القسم الرئيسي : قضية رأي عام .
              • القسم الفرعي : قضية راي عام .
                    • الموضوع : أنت شتعرف .
                          • الكاتب : احمد لعيبي .

أنت شتعرف

أعرف مجاهد بالحشد دفن اخوه بالساتر وكمل المعركة واخذه بعدين للنجف دفنه  و ورة الفاتحة رجع يقاتل...

اعرف مجاهد بالحشد التحق ثاني يوم من ايام زواجه واستشهد بالمعركة ..!!

اعرف مجاهد بالحشد  كان يخلي عصابة امه فوك الخوذة كلما يشتد الهجوم ...!!

اعرف مجاهد بالحشد  باع السايبا اللي اخذاها بالاقساط واشترى بفلوسها عتاد وابنه بالحشد لهسة يسدد بفلوسها..!!

اعرف مجاهد حبيبته هددته كالته اذا رحت للمعركة اكص ظفايري وهو رد عليها اذا ما رحت كون تكصينها...!!

اعرف مجاهد بالحشد ابنه يشتغل بعربانه بالسوك راد يلتحق ما عنده كروة طلع لباب الدار لحكه ابنه وذب الكروة عليه وركض ...!!

اعرف مجاهد بالحشد امه باعت قنينة الغاز الوحيدة حتى يلتحق بفلوسها وبقت تطبخ على نار...!!

اعرف مجاهد بالحشد لهسة زوجته تنتظره وهو ميت صارله سنه ومحتفظه بملابسه تغسلهن وتكويهن ...!!

اعرف مجاهد بالحشد ابوه راح يجيبه من الساتر وصار هجوم وشاف جماعة ابنه يتفدونه وصايريله ساتر ..ذي عكَاله وصاح انطوني بندقية اليوم ما اروح الا استشهد وياكم...!!

اعرف مجاهد بالحشد شيعي حبيبته مسيحيه راح للكنيسه قبل ما يلتحق حتى يسلم عليها ..
كالها والمسيح احبك ..كالتله والعباس ابو فاضل اموت عليك ..بعد ما استشهد ظلت تزور العباس كل شهر ...!!

اعرف مجاهد بالحشد  كان يجمع تمر الاعاشة الخاص بيه  برمضان ويدزه لأهله لان ما عدهم فلوس ..!!

اعرف مجاهد بالحشد كانت امه تنطيه تراب من هور العمارة يضمه ببدلته ومن استشهد امه دورت البدلة كالولها حجية الرصاصة براسه شتدورين ..
كالت ادور على طينتي اللي بزنده اذا ما بيها دم ما اريدها...!!

اعرف مجاهد بالحشد مات مشنوقا بوعد لأمه ان يعود سالمآ لكنه عاد بلا قدمين...!!

انت شتعرف ؟


كافة التعليقات (عدد : 3)


• (1) - كتب : عراقي ، في 2018/11/11 .

سلام الله على الحسين وعلى علي بن الحسن وعلى اولاد الحسين وعلى اصحاب الحسين ....
السلام على النفوس الطاهرة التي تعلمت من نهج الحسين وسارت على دربه وعلى الاقلام التي تعلمت من نهج
السيدة زينب صلوات الله وسلامه عليها ونشرت تضحيات الحشد المقدس ... اسأل الله ان يديم الحشد المقدس ويرفع
شأنهم ويقوّي شوكتهم ويكثرهم ويقوّي ايمانهم ويكثّر عددهم ويزيد من عددهم وعتادهم .... اسال الله ان يحفظ
صاحب هذا المقال ومن علق وان تكون عاقبتهم الى خير بحق محمد وال محمد الطيبين الطاهرين صلوات الله وسلامه
عليهم اجمعين .......
............... ابكيتني اخي الكريم .......

• (2) - كتب : فؤاد المازني ، في 2018/11/07 .

أعرف مجاهد بالحشد أخذ إبنه القاصر وياه للساتر ومن إعترض آمر الفوج لأن عمره أقل من 18 سنه جاوبه الأب إشكد عمر القاسم بن الحسن بمعركة الطف؟


• (3) - كتب : حكمت العميدي ، في 2018/11/05 .

اعرف الي يعادي الحشد المقدس الشريف ماعندة ولاء لوطنة ولا حب لارضة ولاصاين عرضة ولا عندة شرف



  • المصدر : http://www.kitabat.info/subject.php?id=126626
  • تاريخ إضافة الموضوع : 2018 / 11 / 05
  • تاريخ الطباعة : 2018 / 12 / 17