إن صيغة الهتافات أو مضمونها مرة تحددها الآيدلوجيات وأخرى تحددها المعتقدات ويُشدّد على إطلاقها حتى تترسخ في أذهان الجمع العقلي أو الأوساط الشعبية .لذا نجد أن الشعارات أو الهتافات منها ما يُعدُ مسبقاً ومنها ما يبتكر أو يستحدث أثناء المسيرة ومنها ما يستوحى من موقف معين من المواقف أو المشاهد التي تحدث خلال المسيرة مما أدى إلى أن تترسخ الكثير من الشعارات أو الهتافات في الأذهان وتحيا مع الناس ويتعذر محوها أو نسيانها .

لذا فإني ممن ترسخت في ذهنه بعض الشعارات أو الهتافات منها ما شاركت بها ومنها ما سمعتها فحسب وطبعت في ذاكرتي منذ خمسينات القرن الماضي إلى يوم الناس هذا وسأدون ما تبقى منها في عمق ذاكرتي وبالتسلسل الزمني بقدر ما أستطيع وهي كالتالي : 

 خمسينات القرن الماضي 

 نوري السعيد القندرة وصالح جبر قيطانه 

 نوري السعيد شدة ورد وصالح جبر ريحانه 

 ـ ولهذ الهتاف قصة معينة لا سبيل لذكرها الآن ـ 

 أربعه بعانه گرگري نور السعيد السرسري 

 حامض حلو مال إبلاد نوري السعيد الگـو......... 

 عام 1958وما بعده 

 ـــــــــــــــ  

 هذا اليوم الچنه إنريده ..نور السعيد إنگص إيده 

 لا بعثية ولا قومية .. جبهة حرة وطنية .<br />
وطنٌ حرٌ وشعب سعيد 

 الشيوعيون : فاضل عباس المهداوي يخلي البعثي مثل الواوي 

 الشيوعيون : باسمك يا شعب يحكم المهداوي 

 البعثيون : باسمك يا شعب يسقط المهداوي 

 الشيوعيون :نزيهة صارت بالحكم موتوا يا بعثية ـ 

 البعثيون : (نزيهة بالت عالجسر وتمزلگ المهداوي) 

 كرد وعرب فد حزام .. عاش الزعيم المقدام . 

 عاش الزعيم الزود العانه فلس 

 شيلوا سفارتكم منريد وحدتكم ـ (المقصود السفارة المصرية ) 

 عبد الناصر شيل إيدك ..شعب العراق ما يريدك 

 يا كريم إنطينه سلاح ..باسم العامل والفلاح 

 هوب .هوب طفي .. گدامك الطسه .. جمال وگع بالبير محد سمع حسه 

 نفط العرب للعرب موتوا يا رجعية 

 سبع ملايين تصيح .. فدوة لابن قاسم 

 سنمضي سنمضي إلى ما نريد وطن حر وشعب 

 بالروح بالدم نفديك يازعيم 

 ونريد جر الخونه بالحبال 

 ماكو مؤامرة إتصير والحبال موجوده 

 ماكو زعيم إلا كريم 

 ديمقراطية وسلام عيني إكريِّم للأمام 

 اتحاد فيدرالي، صداقة سوفييتية 

 أحمر للگشر رگينه أحمر 

 هتافات المقاومة الشعبية : ( آني مقاوم شعبي ..آني محرر شعبي .. واحد أرمي ثنين أرمي .. ثلاثة عالموت إتحضر) 

 كل أرواحنه فدوه لإبن قاسم 

 يا بغداد ثوري ثوري .. خلي قاسم يلحگ نوري . 

 عام 1963 وما بعده 

 ـــــــــــــــــــــ 

 واو ..واو وحده .. وحده اشتراكية .. بيها حرس قومي .. ضد الشيوعية 

 اشرب ماي وأنعل فهد .. ماكو شيوعي بالبلد. 

 شعب شعب كله بعثية .. موتوا يا شيوعية .<br />
عاش محمد عارف ..والضباط تعود ليه تعود 

 عبد السلام محبوبنا.. مكتوب جوّه قلوبنا 

 إحنه جنودك يا سلام .. سير سير للإمام 

 إلعب بكيفك يا مشن ..البيبسي والكوكا بالسجن : 

 ماركة ( مشن ) مشروب غازي لقب به عبد السلام ولقب الشيوعيون والبعثيون بـ ( البيبسي والكولا ) 

 فلسطين عربية غضباً على الصهيونية 

 طار لحم وگع فحم 

 طار بالبصر لحم وگع بالقرنه فحم 

 عام 1968 وما بعده بما لا يعد ولا يحصى ولكن اختزالا: 

 ــــــــــــــــــ 

 شعب شعب كله بعث موتوا يا رجعيه 

 بالروح بالدم .. نفديك يا ابو هيثم.: 

 دوله وحده عربيه .. على عناد الصهيونيه 

 عاش قرار المحكمة بإعدام زلخا وجيته 

 إعدام كل الخونة مطلب جماهيري 

 عام 1969(عام إعدام شخصيات اتهمت بالتجسس) 

 ماكو مؤامرة تصير والبعث عينه ساهره 

 يا إيران ثوري ثوري خلي الشاه يلحك نوري 

 عاش عاش عاش البكر والشعب دومه منتصر 

 بالروح بالدم نفديك ابو هيثم 

 انتفاضة عام 1971 أربعينية الإمام الحسين صلوات الله عليه 

 ـــــــــــــــــــــــــــــ 

 يا صدام شيل إيدك كل الشعب ميريدك 

 صدام گله للبكر كل الشعب ميريدك 

 موكب عزاء طويريج عام 1979 

 ــــــــــــــــــــــــــــــــ
 جمهورية إسلامية لا شرقية لا غربية 

 ماكو ولي إلا علي ونريد قائد جعفري 

 عاش عاش ..عاش الصدر والدين دومه منتصر 

 قبل إعدام السيد محمد باقر الصدر 

 كل العراق ينادي صدام عز بلادي 

 انتفاضة عام 1991 

 ــــــــــــــــــــــــــــ 

 لا إله إلا الله صدام عدو الله 

 وتعود الكرة 

 منريد الخبز والماي بس سالم أبو عداي 

 على عناد بوش وفهد صدام باقي للأبد 

 ولو أردنا أن ندون ما سمعنا في هذه الحقبة لما اتسع لنا الوقت 

 وأخيرا عام 2003 

 وين الحاربك وينه .. صدام النذل وينه ( المخاطب الإمام الحسين صلوات الله عليه ) 

 وبعد رحيل النذل المقصود بدأت مرحلة إختلاط الحابل بالنابل قولا وفعلا وما أطلق من هتافات لعلها لا تعد ولا تحصى ويتعذر علينا إدراجها بالتسلسل بيسر ولعل أبرز وأفضل ما يوجزها شعار: ( بالروح بالدم نفديك ياهو الچان )