• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : ماننسى الحسين .
                          • الكاتب : سعيد الفتلاوي .

ماننسى الحسين

هذه القصيدة هديّة الى الشعوب المظلومة
وبالخصوص شعب البحرين البطل
.................................................. .........
 
للابد والله ماننسى الحسين
نصيح باعلى الصوت نبقى عاشقين
.......................................
عالعهد مولاي يا ابن الرسول
انت ثار الله يا ابن البتول
كل دهر يحسين بي تظهر فصول
يبقى يومچ كربله يوم الحزين
.......................................
يالحبيب شلون ننساك ويهون
المصاب البيك تنزف هالعيون
اي ارض كل يوم هالذكرى تكون
للممات وياك يا روح الامين
.......................................

من رضا الرحمان نلطم عالذبيح
نبچي عالمظلوم والگلب الجريح
والوعد للدوم هالموقف صريح
للظهور الناس منتظره بأنين
.......................................
يشهد التاريخ ثورات وعصور
قدوه للاحرار عالظالم تثور
بيك يا مظلوم تتحدى اليجور
نشوف عاشوراء صار الها معين
.......................................
ياطغاة الكون ما تبقى العروش
من دماء الناس صار الكم قروش
جاي يوم البيه تسقط هالكروش
من عزم عباس والحكم المبين
.......................................
لاسكوت يدوم عالظالم تقوم
ثورة المحروم عالكافر سموم
بالفداء تصير هالثوره وتدوم
بيك يالموعود دولتنه يقين
.......................................
هالشعوب تريد واليها الرشيد
الفلك والكون يصبح بي سعيد
لا ظلم لا جور كل ظالم بعيد
ثار جده يريد من ذاك اللعين
 




  • المصدر : http://www.kitabat.info/subject.php?id=14492
  • تاريخ إضافة الموضوع : 2012 / 02 / 25
  • تاريخ الطباعة : 2024 / 03 / 28