• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : صوره .
                          • الكاتب : ابو ماجد الزيادي .

صوره

 من شفته وتخيّلت الجمال البيه  **-****-** مثل حبّة الكهرب وسـط بلّوره

أهو كلّه أعلى بعضه يساوي ألف أحساب ** من تبحر بوصفه اتّيه ببحوره
شـايف هالملامح گلّي أنت منين ****** شـامي وتحچي شـو بدّ ك وبندوره
گال أترك الشـامي آنه أحچي الچا  *-**-*  وآنه امن البلاد الباگه ناطوره
آنه العاش وكته يقرا عالفانوس  **--***--**  واتقنت الكتابه بلايه سبّوره
وكونك ضيّعت بس أعبر الأتراك *-***-* من توصل لزاخو تبيّن الصوره
گتله أصبر أعليه وخل أفكر زين **-**-** صارتلك بتفكيري ألف صوره
گال أرسـم مخطط جاي من أربيل ***-**-*** وتخيّل الديره ترد معموره
گتله أنت مسيحي وساكن بكركوك ****** گال آنه حچـيت اشملّخ ويوره
روح أمشي بعد وأعـبر جبل حمرين **** وأعبر بعد للخالص فـرد دوره
گتله خو تگللي من أهل بغداد  ***** گال أجزى الرصافه وأعبر الدوره
گتله الحلّه گال أعـبر بعـد جدّام ******  وأعرف ديرتي الحلوه المغموره
گتله آخذ يمين نطيح بطويريج  **-****-**  ديرة كربله البالكون مشهوره
بيها أبن الرسـول السـبط والعباس******* حتى الگمر منهم مقتبس نوره
نعبر للنجف بيها علي الكرار**-******-** أمام المتقين شـما نجي نزوره
گال أمشي بعد للقادسـيه وروح  ****وأجزى الحمزه ابو حزامين وجبوره
وبس تجزى الرميثه تعرف أحنه منين* خو لهناه وصارت واضحه الصوره
گلتله والنعم لا والثلث تنعام  **-**-**  أنت أبن السماوه التضل مـستوره
أنت أبن الرجال الماتواطن ظيم  *-****-*  واحدهم يسـّوي الماو كافوره
الشاطي والسلامه يحيد عنها أعنا د****** يتعـنّه الچوالي وينطح الخوره
ولو طب معمعه مايضرب أمن ابعيد *ولايطي الضهر لو خلص شاجوره
وماياخـذ كلام أفلان عن أفلان **-**-** ومايحفـظ الماي بجرّه مفطوره
ولاغرّه السـراب وچفه البالماعون**-*-** ومايوم بضباب يتيـّه أطـيوره
وأگلّك يبن هاي الناس لاترتاب  **--**--** ديرتنه تضل للطيب منذوره
بس كل الأسف وگعت بناس أشباه **-*-** واحدهم خلط عيده بعاشوره
وعانت فوگ ماعانت بعد يفلان **-***-** وأتعاني بعد مرّات مجبوره
چي طاحت بوادم كلها نص أسـتاو ****** ياهو الشاخ عايزله بعد فوره
ياهـو الشاخ عايزله بعد فوره



  • المصدر : http://www.kitabat.info/subject.php?id=15872
  • تاريخ إضافة الموضوع : 2012 / 04 / 06
  • تاريخ الطباعة : 2024 / 03 / 28