• الموقع : كتابات في الميزان .
        • القسم الرئيسي : ثقافات .
              • القسم الفرعي : المقالات .
                    • الموضوع : نواعي لابي الفضل ( ع ) .
                          • الكاتب : سعيد الفتلاوي .

نواعي لابي الفضل ( ع )

 شحال الگلب من هالرميه

وينك يليث الهاشميه
تصرخ بنات الفاطميه

شفنه الظلم من آل اميه

....................

من كربله لارض المدينه

عيال او حرم كلها حزينه
ظل الچفيل امگطعينه

عالمشرعه او وذرينه

...................

زينب تنادي ساعدوها

لام البنين او جدموها
جيبوها يمي او سندوها

بهاي المصيبه رووعوها

...................

دخلتت تنادي يبني يحسين

وترد عليها ام صوت الحْزين
شسوو ييمه بالميادين

عباس اخويه والميامين

...................

ليث او بطل عباس جاهد كل حياته

صد الظلم والجور حارب كل طغاته
غيرة علي الكرار حامل كل صفاته

طاع النبي المختار دافع عن ولاته

...................

رفضت لذيذ الماي هالنفس الابيه

بنفسه العزيزه ايجود يفديها الاخيه
صابه العطش والجوع من گوم الرديه

عادو علي الكرار اولاد الدعيه

...................

تنعه او تنوح اعليك زينب والفواطم

حزنانه كلها اعليك ناسك والعوالم

شبل الوصي الكرار فخر اهل المكارم

مْصابك يبو النوماس تنعاه الهواشم

...................

لام البنين اليوم واسيها ابولِدها

بالغاضريه اليوث فن واحد يصدها

اولهم العباس غاليها او سندها

وثْلاثه غر ابطال ياهو اللي يردها
 


كافة التعليقات (عدد : 1)


• (1) - كتب : الشاعر الحسيني سعيد الفتلاوي الطويرجاوي ، في 2012/11/22 .

http://www.youtube.com/watch?v=h__LqgZ3Neo&feature=plcp





  • المصدر : http://www.kitabat.info/subject.php?id=24427
  • تاريخ إضافة الموضوع : 2012 / 11 / 22
  • تاريخ الطباعة : 2024 / 03 / 29