• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : لبيك يا حسين لبيك يا مظلوم .
                          • الكاتب : سعيد الفتلاوي .

لبيك يا حسين لبيك يا مظلوم

گرّب شهر عاشور سَمعو الناصبيه

يا شيعة الكرار والزهره الزچيه

.......................................... 

يا شيعة الكرار سَمعو الناصبيه

لبيك يا مظلوم صرخه حيدريه

ما ننسه لا والله يوم الغاضريه

گرّب شهر عاشور وين الرافضيه

..............

مْصابك يثار الله ما مر عالبريه

ما مثله كل مْصاب يوم الغاضريه

دنيه وْ فلك تنعاك يا روح الزچيه

ريحانة المختار فخر الهاشميه

..................

كل الجره والصار من شر البريه

بْيوم السقيفه وْ يوم طف الغاضريه

ما ننسه لا والله ثارات الزچيه

وْ نكتب عله الرايات لا لابن الدعيه

.................

تْلگو الشهر بگلوب مفجوعه وْ حزينه

وْ واسو النبي المحتار والهادي ولينه

يا شيعة الكرار وانصار الامينه

بْشهر الحزن عاشور دينو ابن اللعينه

.................

كلما يهل عاشور نرفع بيه الاعلام

كل شارع وْ كل دار يحزن كل الاسلام

نعزي النبي المختار باولادهْ اِلِاكْرام

اولهم ابنه حسين والمدفونه بالشام

.......................................

 




  • المصدر : http://www.kitabat.info/subject.php?id=38539
  • تاريخ إضافة الموضوع : 2013 / 10 / 30
  • تاريخ الطباعة : 2024 / 03 / 29