• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : يبن خير البشر .
                          • الكاتب : سعيد الفتلاوي .

يبن خير البشر

يبن خير البشر يومك گرب ذكراه

گرب يوم الطفوف وْجاي حزنه وْياه

 

وحق ضلع امك الزهره وْعلي الكرار

عهد مولاي عاشورك فلا ننساه

 

وْنظل ننعاك لا والله وْابد منجوز

بْحزن واهات شهر النوح نتلگاه

 

شعارات العزه انخطّت عله الحيطان

يبو السجاد ما ننساك ابد والله

 

عزانه عْليك دوم وْيالزمان يْدور

وْمصابك ما يمر فد يوم ما ننعاه

 

.........

 

فتاوه شْگد علينه اهل البدع يفتون

شعايرنه وْحزنه عْليك ما يردون

 

وْدمانه تْسيل من هاي الفتاوه اليوم

قتل ارهاب وبْكل شارع يْفجرون

 

بدع هاي الشعاير هالفتاوه تگول

البدع منهم بدت يوم الفِته الملعون

 

سقيفتهم عليها اليشهدِ التاريخ

بْسبب يوم السقيفه تْعده ابن ميسون

 

دعي وابن الدعي الاذّه النبي المختار

ابن شر البريه الحاقد المجنون

 

..........

 

اليزيد الفاسق الفاجر اسف يدعون

خوارج هالزمن احفاد الدعي الغدّار

 

فرح واعياد عدهم من يهل عاشور

بْمصيبة كربله تتعايد الاشرار

 

الفلك يحسين ينعه مْصابك وْحزنان

يواسي الطاهره امك والوصي الكرار

 

الفجيعه كربله ينعه الملك والحور

وْالك تهتف ملايين البشر انصار

 

يبو اليمّه لجل يومك فدينه ارواح

روافض نفخر بْحبك يبو الاحرار




  • المصدر : http://www.kitabat.info/subject.php?id=38993
  • تاريخ إضافة الموضوع : 2013 / 11 / 09
  • تاريخ الطباعة : 2024 / 03 / 29