• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : نشطاء هذا الزمان .
                          • الكاتب : عاطف علي عبد الحافظ .

نشطاء هذا الزمان

 

 

الديك الفصيح

تلاقيه فى كل مكان

فى ميدان ..

بيهتف ويصيح

فى قناه  ..

بيقول تصريح

ويفور زى البركان

     ****

أصله ياعينى زمان     

كان غلبان

يفتح بقه بس

لمّا يكون جعان

كان بيحلم فى المنام

إنه بطل همام

ولمّا يفوق ويصحى

يضرب لنفسه

تعظيم سلام

     ***

دلوقتى نافش ريشه

مفيش حد أده

شغلانه بجد جامده

بيقلب فيها عيشه

بدون  ضرب على خده

أصل الحكاية بقت سهله

كلمتين ناشفين

يترصوا فى جرنال

وبقين جامدين

يتقالوا فى كام حوار

***

وف.. كل الأحوال

ثورجى بينادى بالتغيير

ناشط  .. مالوش مثيل

ضد مين أو مع مين

مش  هتلاقى تفسير

السر دايما فى التمويل

عشان الأعادى كتير

بيشجعوا ع التدمير

لقوا فرصتهم

فى ميدان التحرير




  • المصدر : http://www.kitabat.info/subject.php?id=40796
  • تاريخ إضافة الموضوع : 2013 / 12 / 24
  • تاريخ الطباعة : 2024 / 03 / 29