• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : سمّ الغدر .
                          • الكاتب : سعيد الفتلاوي .

سمّ الغدر

 عَزّي الولي الكرار حيدر ولينه

 
 
وانعه الكريم الطاهر ابن الامينه
 
.........................
 
 
بْسم الغدر صابوه للسبط الاكبر – روح النبي المختار چبده التفسر
 
بْطشت المنيّه افتات صار وْ تطشّر – انسَمّ الحسن مغدور بارض المدينه
 
..............
 
 
ويَّ ابْن ابو سفيان رهنت عهدها – كل ظنها لابنه تْصير لمّن وعدها
 
سمّت امام الدين خانت سندها – تبعتِ ابن ميسون جعده اللعينه
 
..............
 
 
ينظر لخيّه حسين روحه وْ حبيبه – ويْگله خويه حسين عندك مصيبه
 
عْيالك يبو الاحرار تصبح سليبه – وبْكربله يْذبحوك اهل الضغينه
 
..............
 
 
بعدك يخويه تصير زينب سبيّه – للشام اختنه اتروح لابن الدعيّه
 
واتشوف الم واهات منّه وْ اذيّه – وْتِگْضي العمر حسرات تنعه وْ حزينه
 
..............
 
 
والرمله صدّ وْ گال حفظي الامانه – قاسم يرمله يصْير فارس زمانه
 
بْهذا الدرع والسيف يضرب عدانه – للظالم الغدّار جاسم يدينه
 
..............
 
 
مات الحسن مسموم موته مريعه – بآل النبي الاطهار حلّت فجيعه
 
ماراعو الظلّام دين وْ شريعه – فوگ الغدر والجور وْ مْسمْمينه
 
..............
 
 
سهام الحقد والغيض صابت نعشها – جثّة كريم البيت منعو دفنها
 
هالحاله ابو الاحرار يعلم خبرها - يم جدّه مادفنوه مهجة نبينه



  • المصدر : http://www.kitabat.info/subject.php?id=54386
  • تاريخ إضافة الموضوع : 2014 / 11 / 28
  • تاريخ الطباعة : 2025 / 03 / 15