يا عراق الروح عمري يا وطن

.

انت عالصعبات تگدر والفتن

.

............................................

.

.

شوف كلها عداك منتهيه انفنت

لا صفت بارضك اعادي وْ ما بگت

لاطغاة . التبگه ولّت . وانمحت

.

يشهد التاريخ انواع المحن

 

..........................

.

مْضوّي نورك يالحبيب اعله الامم

يا هو مثلك بيه مجموعه العصم

انبياء وْ . اولياء . اشهل النعم

.

روعة الانوار جنْات العدن

.

.........................

.

بالعراق الناس تبقه مْوحّده

والعِلم والنور من عنده. ابتده

وبيه يضوي الكون بانواره اهتده

.

لاجله هاي ابطال مرتديه الچفن

 

.........................

 

شامخ انت چبير يا تاج العرب

مضرب الامثال وايآت العجَب

ايد وحده الناس ما همها النسَب

.

فزعه وحده تصير لو حقها انغبن

 

.........................

 

تبقه غانم دوم يالمَالك . مثل

نْروح كلنه فْداك ماهمنه الاجل

يخسه من عاداك ما عاش وْ يِظَل

.

بارضك الاطهار اوتاد الزمن

 

...........................

 

كل طغاة الكون ما گدرت الك

وِبْفضل رحمن قادر . يحفظك

عالي راسك فوگ ربنه العظّمك

.

يا وطنّه اوياك وهّاب المنن