عذرا  صديقي هذه المقصودة لا يمكن ان تكتب الا بالجلفي ...مع التقدير  

فد يوم  أكو ((تكرمون )) كلب جاي يفتر بالغابة وماخذ راحته ويخمط الرايح والجاي وفرهد البلد تفرهد ولا احد يصده ولا يرده وماخذ راحته ولا يهمه  شي لان يدري ان اسد الغابة نايم دائما ورجليه بالشمس ويحلم احلام ورديه ومابي بس الزأير يزأر شويه وياكل ويرجع ينام والنومه نومه ..وألف عافيه ..

المهم هذا الكلب شاف الاسد نايم للظهر وتعبان لأن الاسد كان سهران على لعبة برشلونه وريال مدريد وظل يضحك على الاسد وگال عادي هو الاسد گاضيها بس نوم ...((نايم شليف الصوف نايم والحرامي يحوف )) .... گال خل اضحك عليه واربط رجله وأيده بالشجره وأفلت ...اجه وربطه بالحبل ...وتركه نايم بالعسل  ..

گعد اﻻسد تمطه شويه تثاوب حاول يحرك ايده يحرك رجله ماتحركت مربوطه بالحبل وبالشجره ربطه قوية مال كلب بن كلب  ..عاد زأر الاسد وبده  يصيح ويستغيث حتى يخلصوه .... مر من يمه ((تكرمون ))  حمار سكران فالحمار  گال للاسد منو ربطك سيدي  گله اني نايم وماحسيت الا واني مربوط ...فگله الحمار ا يا سيدي الاسد  هذا  الكلب بن الكلب  ربطك وجاي يضحك عليك بالغابة وبالفضائيات ... فغضب الاسد وگال للحمار أرجوك ياحمار فك وثاقي   واعطيك نصف الغابة ... الحمار سكير وهم حرامي خامط المساكين بس مطفي وانبطاحي  گال للاسد تدلل هسه افك وثاقك و فك وثاق اﻻسد ... گام اﻻسد ونفض الغبار عن جسمه وهز رأسه وماعاجبه الوضع لان متعود على النوم وأزعجوا منامه وزأر كالعادة ، وگال للحمار اني ما انطيك نصف الغابه ... سأله الحمار گله  ليش ياملك الغابه غيرت رأيك . ؟

 جاوبه الاسد گله لا اني ماغيرت رأيي بس  اني هسه صرت حر .. وأريد انطيك الغابه كلها تعرف ليش .. ؟

گله الحمار ليش ياحضرة الاسد گله ﻷن غابه بيها سويلم الكلب بن الكلب يربط .. والحمارأبو أذانات  السكير ايحل ماينگعد بيها بعد  ...جبناها على مادري منو ...أصحوا يا شعب لتصيرون مثل الاسد  يجي شعيط ومعيط يلعب بيكم وينهبكم ...وعاشو عيشه طايح حظها ...