كَرة عيون الموالي ... بمولد رباة الاعالي

نبارك الباري ونبيه ... بمولد الزهره الزجيه

وتحله بالفرحه الليالي

ــــــــــــــــــــــــــــــــــــ
احنه طبع البينه باقي وما يزول .. نلهج بحب الهواشم والرسول
وجينه هاليوم احنه نفرح بالبتول .. وننشد بحبهه بحناجرنه ونكول

عالي صوت الحيدريه ... بمولد الزهره الزجيه

رغما على انف النواصب ما نهاب .. ونعلك شموع الفرح لاهل الكتاب
تبكَه درعي ام الحسن واعظم حجاب .. وبالحشر تحميني هيه من العذاب

وما يمهني بال اميه ... بمولد الزهره الزجيه

طاحت الدنيه العجيبه وما نطيح .. احنه شيعه وخطنه خط اَمن صريح
بجفنه رايه وبالكَلب كَبه وضريح .. ودمنه ينبض واحسيناا وا ذبيح

الزينبي والزينبيه ... بمولد الزهره الزجيه

جم صرح طاح وتهدّم للطغاة .. وراية حسين البقت بس للنجاة
ويا عمر يحله ابّعدهم يا حياة .. نبكَه وفّايه وخدم بيت الاباة

الجعفري والجعفريه ... بمولد الزهره الزجيه

ما نبدّل حبنه وخضاب الشهيد .. ولا نرد نصبح اهل جهل وعبيد
شحصل الرافكَ عبيد الله ويزيد .. بس مسبّات ولعن بيهم يزيد

يخسه خصم الفاطميه ... بمولد الزهره الزجيه
وتحله بالفرحه الليالي
رحيم الحسيني الحسناوي