• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : دمعي يجري وْ للحسين اتوجهت .
                          • الكاتب : سعيد الفتلاوي .

دمعي يجري وْ للحسين اتوجهت

 هاي صوره مْن الحقيقه وْمو خيال
من زرت راعي الوفه وْ خير الرجال
.
اقصد العباس . سبع  الگنطره
الحسره بيّه وْنار  گلبي مْوجره
.
وْ ردت  ابرّد  نار گلبي  واستحيت
بيدي كوب الماي من دمعي ارتويت
.
شلون . اشرب .  ماي  بارد  وارتوي
رجفت اعصابي وْ صرت ارجف قوي
.
مْن ايدي طاح الماي عالگاع  انچفه
دْموعي  نزلت  والعطش منّي اختفه
.
وْفكري راح وْيالعطاشه اللي انولت
من  بعد  ما ذبحو حسين انسبت
.
وْچني اشوف اطفال مفجوعه وْتنوح
الصوره  جدامي اشاهد  وابوضوح
.
حال زينب والخيم  مشتعله  نار
هالجريمه المنكره الما منها صار
.
دمعي يجري وْللحسين  تْوجّهت
واعله باب العتبه يم گبره اهتفت
.
يالفديت . الدين يالمالك مثيل
غالي والله شْما نقدّملك قليل




  • المصدر : http://www.kitabat.info/subject.php?id=61506
  • تاريخ إضافة الموضوع : 2015 / 05 / 05
  • تاريخ الطباعة : 2025 / 03 / 15