حمودي ابن اخوي الزغير ..اللي احبة كولش ،واللي من زمان مـا مخابرني

أتصل بيه اليوم ..كلي عمو شو..شما أصير أزمة ..حكومتنا الرشيدة تنفيهــــــــــه !!

نكلهم يمعودين دبة الغاز صارت بعشرة ..يكولون دعاية !!

نكلهم ..الاكراد يصدرون نفط بكيفهم يكولون...دعاية!!

نكلهم ..نفط البصرة 30 سنة راح يأجروة ...يكولون دعاية !!

ويومية عمو انكلهم حكمكم اسود وأكشر ومظلمم ...يكولون لا اكو ضوء بنهاية النفق 

*كتله عمو انته شعليك..صير مواطن صامت وظل خارج التغطية..

كلي عمو هاي نصيحتك تذكرني بواحد عراقي تخبل من جذب الحكومة ..فتصور نفسة بالــــــــع حصان.

ودوه لدكتور نفساني...كال بسيطة يامواطن راح نسويلك عملية ونطلع الحصان...والجو بديع والدنية ربيع.

دخلوة العمليات ونطوه بنج ..وراح الدكتور جابلة حصان .

من صحى ..كاله سلامات أبني نجحت العملية و هذا الحصان طلعناه..ومبروك يامواطن !!!

كله دكتور الله يخليك 

الحصان البلعتة أبيض ..وهذا الحصان جوزي .!!!

*كتلة حمودي سد التلفون...واحترم ..و لاتحبسنه ؟؟؟