• القسم الرئيسي : المقالات .
• القسم الفرعي : المقالات .
• الموضوع : وين ارويتبك يمه يعلاوي .
• الكاتب : عباس طريم .
وين ارويتبك يمه يعلاوي
|
|
وين ارويتبك , يمه يعلاوي
البيت وروح ابوك مصفر
وداوي
+
لا صمون عدنه , لا سمج لا بيض
ومن الجوع جدك دايخ
وخاوي
+
يمه لا تكلي , الراتب و كطعوه
ولا اتكلي الرويتب باكه
نداوي
+
ولا اتكلي الحكومه , كطعت الارزاق
وكلشي ما اطتنه وروح
هداوي ؟
+
اعليوي , اسلك ابوك , ولاابو الجابوك
خبز ماعدنه واتدورلي
زحلاوي
+
راح انموت , وانته يمه لابس جينز
اوين الحافي والمطيرجي
امخاوي
+
لعيبي صاحبك , بالسطح نايم دوم
واجويسم افلاس , وداوي
جلاوي
+
عدمن نشتكي , والبرلمان ايموج
وبالبطاله , حنان وهدى
وعلاوي
+
وحيدر وي سليم , الربع طكه اوطيح
بالكلينس صفت, والحال
مأساوي
+
حنان , اتصيح لك حيدر اشعندك جاي
وسليم اتحضر العاليه
ابيسراوي
+
والعسكر دخلهه , والجلاب اوياه
وصورهم يبعد امك
الصيداوي
+
وصارت بالمقر يعليوي , بالدفرات
واطراكات , بين الربع
عمياوي
+
ويكولون : كلهم نزعوا القمصان
واتصارعوا.. والشرهه عله
الراوي
+
النجرحوا , اجت شالتهم اسعافات
والباقين صاحوا , بويه
شنساوي
+
اجيب الهم امنين , الخطب يوم وصاح
اشوفن روس مثل التمر
خستاوي
+
خزينه وكلهه بكتوهه , اوطن بعتوه
وخليتوا.. بناءه الصلب
متهاوي
+
خزيتوا الوطن , نكستوا راس الناس
طفيتوا بلد , كل العمر
ضاوي
+
الكركوكي تعود عالتعب والضيم
ويشرب ماي مو صالح
البصراوي
+
وابن ادياله مل امن القصف والموت
وصاح الغوث من عدكم
الكوتاوي
+
هججتوا الشعب , والوطن الكم صار
بس الكم.. شعبنه طلع
براوي
+
ياهو اللي يجي ايعض الوطن, ويروح
يكتشفوه بالليزر, طلع
واوي
+
وين الله ويجي , عنتر ابن شداد
وبدربه يجيب الكم
العشماوي
|
|
|
• المصدر : http://www.kitabat.info/subject.php?id=77811
• تاريخ إضافة الموضوع : 2016 / 04 / 29
• تاريخ الطباعة : 2025 / 02 / 3