التجربة العراقية..

بعد نهاية كارثة ١٩٩١ وعودة العوائل النازحة من بغداد والمحافظات لبيوتها  وزعت الدولة كوبونات شهرية للمشتقات النفطية ..

فديوم اتوكلت بالله ورحت بتت بالمحطة انا وثلة من الاصدقاء ابتداء من الساعة الواحدة ليلا وگلنه نعتبرها سفرة سياحية ونرجع منها غانمين بقنينة غاز ..

اني لازم الباب وجماعتي وراية سوالف للصبح.

صارت بالستة الصبح انفتحت الباب وجان تعبر تلث قناني علينا من السيم ونتفشخ ونتضعضع وانداس علينا اتزلحگ بالقناني ...

اقل الاضرار چانت بيه وحصلنه كل واحد قنينة مع اعتذار من ابو العربانة الشمر قنانيه فوكانه ورجعنه للبيت ..

رباط سالفتنه 

بعد الخروج من الحرب بايام بدأ العمل والتنظيم لتخفيف الفوضى وايصال رسالة للمواطن بان النظام مازال قائما  وليس حبا بالمواطن .

العراق مو اول مرة يتعرض لازمات الاحتياجات الحياتية والنزوح ابتداء من احداث الشمال وحرب ايران والمناطق الحدودية والكويت وانتهاء بسقوط النظام ..

كل هذي الازمات التي تدرس خارج العراق كامثلة تطبيقية للخروج من الازمة ويجيك واحد ايگلك التجربة الايرانية والتركية والاردنية..الخ من الدولة..

يابه ياحكومتنه الفريدة  مو العراق اكبر تجربة يحتذى بها للخروج من الازمات بالتسعينات شنو سالفتكم..

بس انتوا اصلا فاسدين وبالتالي سلمتوا الدولة والادارة بيد ناس غير اكفاء وتاليها جزرة الحال.