عباس الطويل الله يرحمه جيرانه چان ايوديه ليل وايجيبه ليل..

هو طويل وجندله ومن يحجي رزن وكلش ثگيل اضافة الى كل هذا جان يلبس مرقط من ايام الجمع ويطلع للوگفة مال سوگ هرج.

الدربونه كلها عبالها عباس ايداوم بالامن ..

الى ان فد يوم طسوه الولد للمنطقة وبوجهم عل علي الگصير ..

س:تعرف عباس .

ج:اي عباس الطويل ابو عمر رجل احلام بيتهم ثالث بيت عليسره..

س:شيشتغل .

ج:ضابط بالجهاز وسيارة توديه وجيبه بالليل ومرات يطلع واجب لسوگ هرج.

س:بيها مجال نبقى يمك ننتظره.

ج:اتفضلوا هلابيكم...

علاوي كان يحب سوالف وكظاها ذكريات لحد ما دخل وكت جيت  عبيس...

ومازال الحديث على ذمة علي الگصير ...

اول ماحط بوته الاحمر بالكاع الولد اتلكوه بالاخمس مال برونك ابو التلطعش وتسعة ابو النجمة .

وينوه الى انه شبع كفخات ودفرات على الكتلوك والشفيه ايده ما رفعه عليهم .

الى ان سحلوه الى بدي لاندروفر عسكرية  جانت تنتظرهم. براس الدربونة..

طلع عباس الجندلة فرار ويشتغل بملهى ليلي ومرتب هوية مال ضابط امن ويبوك خواشيك ومواعين ويبيعها للبسطيات بسوگ هرج...

وهذي نفختها كلها بوش من الخوف حتى لحد يعرف بيه فرار..

رباط سالفتنه ...

الوجوه التي سقطت واسقطت وتسقط يوميا وبسرعة وجيزة ليست افضل حالا من عباس الفرار.