• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : هنيالها..... .
                          • الكاتب : شيرين سباهي .

هنيالها.....

 

 
هنيالها العين التشوفك ...
وهنيال التمر بيه
ليل ...
باگ غفوة 
من الحلم 
 
النظر
من يلمحگ
ماينحت صورتك..
يدگها  أعلى
حيطان
الصبر...وشم
و...
أنصحك
لا تبدي النعاس
أعلىَ تراب الفجر
لچن انحت تمثال
الگ بالروح
لو ردت أنتقم
أنا الخطيت البخت
ثوب للموت ...
واخاف سهم
شوغتي بضلع
الغيم ينثلم
يا العلمت الخاطر
يتلگاگ أعلى
درب اللهفة
و...يهلهل
الوله لطيفك بالوجع
محتزم ..
فرحان أنت
أنساك
أشلون ينسى
يهوذا جرحي
بوسة المصلوب
ومن دم الظن يلم
معزب حظنك
وأدري بيه
ومن كثرأسماءهن
دفتر الاه
بسكف السما يرتطم
مبروك عطرهاي
وذيچ .. بس
الفخر مو لليحط العطر ...
الفخر حبيبي لليشم



  • المصدر : http://www.kitabat.info/subject.php?id=82321
  • تاريخ إضافة الموضوع : 2016 / 08 / 16
  • تاريخ الطباعة : 2024 / 03 / 29