الديمقراطية وحرية الرأي يكفلهما الدستور"ياهو الي يكّوم وصرح"بهذا المفهوم، دون ان يشير الى ان هذا " البلاء" يلزم المواطن بعدد من الامور، منها اداء حق الدولة من خلال الالتزام بدفع الضرائب واجور الماء والكهرباء وعدم التجاوز على المال العام من عقارات واراضي زراعية او سكنية" بله ظلت مساحة فارغة ماوزعوها الاخوان لغرض دعم الأيتام والأرامل!!!" او تم تحويلها الى "موكب ظاهرا، مقهى او محل تجاري او وكر للمساومة على المخطوفين واقعا"، الدستور"المكرود" يقول لايجوز تسييس مؤسسات الدولة ويحرم تدخل الاحزاب في عمل تلك الدوائر" تعال وشوف وزارات من الباب للمحراب لون وشكل وفكر واحد، عوزها بس المتمرجع يسويله براني بيها"" وشوف الوزير والمدير العام مشغول بجماعة تاج رأسك، جوكة طب وجوكة تطلع هذا موظف انريده يتفرغ وهذا انريده رئيس قسم وهذا انريد بس الله يحكمه" واذا كان المسؤل بلاحزب"يشعلون صفحة الخلفوه"، الدستور يفرض تعيين مسؤولين بمواصفات معينة تمكنهم من ادارة الدوائر التي يتولون ادارتها"تعال وشوف، سايق شفل محافظ وخريج علوم قرآن محافظ وطبيب بيطري وزير إعمار او عمل او حتى مالية"المهم الموقع حصة الحزب وله ان يضع به من يشاء" الاقرب والأكثر ولاء وخضوع او من يدفع لحاشية السلطان العفو رئيس الحزب"، احد السنوات كانت وزارة الصحة من حصة احد الجهات، يروي احد"المتعافين" يقول لدي عملية مستعجلة، راجعت المستشفى لغرض اجرائها يقول كتب لي الطبيب المختص ورقة لإجراء العملية ذهبت للردهة، اخبروني بتوقيعها من رئيس قسم الجراحية، هنا كانت المفاجأة" اشرحها الكم بالعامية يكول دكيت باب غرفة رئيس قسم الجراحية جاء الصوت تفضل يكول دخلت لن هذا رجل متعمم كاعد ورا الميز كتله العفو الدكتور وين كال اتفضل يكول كتله الا العفو اريد توقيع رئيس قسم الجراحة، يكول اي تعال مو اني كدامك!!!"، بنفس الفترة الوزير يتجول بالمستشفى ويرافقه عشره "بالدشداشة والبابوج"، كلها والحكومة مقصرة وفاسدة ويجب التظاهر عليها"صدك الجمل مايشوف حدبته" من هو الفاسد هنا" رئيس الجراحين لو الحكومة الي يتظاهر ضدها"" الي ماخلى مترتين فارغة بالمدن ماوزعها لو بناها مكتب او موكب لو الحكومة الي يتظاهر عليها"" الي يهدد المسؤل ورجل الامن ولايخضع لقانون ولا لعرف لو الحكومة الي يريد يصلحها"، ياسادة ياكرام العراق وشعبه"ملو من الشعارات والهتافات، أصدقوا مرة واحده مع انفسكم ومع هذا الشعب"الي انتقم الله عليه بيكم وبدكاكينكم الي فتحتوها وشغلتوها بالسياسة وبمسؤولينكم الدجالين"، كتل سياسية تشكلت من مجموعة من " البلطجية والسراق" لأعمل لها الا عقد الصفقات والمساومات وعلى دماء الناس واموالهم، التظاهر حق مكفول بالدستور وحرية التعبير عن الرأي هي الاخرى مكفولة"ترضون واحد يعرفكم بنفسكم" وانتم من زرع الفوضى وخرب مؤسسات الدولة وأشاع فيها الفساد بكل أنواعه واشكاله، ووضعتم مشاكل بوجه الدولة لايعلم الا الله كيفية حلها، التظاهر الذي يحصل من اغلب الجهات لاغاية والاهدف له الا ايقاف فضح المفسدين والتغطية على الحقيقة والضغط للحصول على مكتسبات، والا من هو جزء من الحكومة ويدير مفاصل مهمة فيها، لماذا لايصلح نفسه ويؤدي دوره، اطلعت على مقترح في احد "كروبات التليكرام" يقول ان كُنتُم حريصون فعلا وتريدون الاصلاح والتظاهرات لحد الان لم تحقق المراد، اذهبوا للقضاء وسجلوا دعاوى ضد هيئة النزاهة لتقصيرها في معالجة الفساد وضد من تعرفون من الفاسدين وتملكون ضده الوثائق وضد الاجهزة الامنية لتقصيرها في حماية المواطنين، وكما تقولون تظاهراتكم مليونية، فعندما تسجل مليون دعوة اكيد سوف يستجيب القضاء"صدك اشو سكتوا على المحمود، شنو المقابل وشسدلكم من مصيبة"، اختم"اللهم ترى وتعلم وانت احكم الحاكمين، احكم بيننا وبين من اضاعوا الوطن والشعب والثروة ومن تعاطى معهم وسكت عليهم وشعارهم وهتافهم ودعواهم بأسم دين نبيك محمد ووليك الامام علي"