• القسم الرئيسي : ثقافات .
• القسم الفرعي : ثقافات .
• الموضوع : في الذكرى الميمونة .
• الكاتب : عباس طريم .
في الذكرى الميمونة
|
|
بمناسبة : ميلاد امامنا علي ابن ابي طالب . عليه السلام
______
قلم عندي , الشعر مطبوع بالسانه
الكصيد ايسيل منه , اشكاله
والوانه
+
بس هاليوم .. في مولد علي الكرار
القلم حاير اشيكتب , كابد
وعانه
+
شريد اكتب , عن النور اللي عم الكون
عله ابعلو السمه , اوياه
علانه
+
الشعر شيكول , عن فارس تربه وعاش
في بيت الرسول , اونام
باحضانه
+
الشعر شيكول , عن الكرمه الجبار
وخلاله ذكر بكتابه
سبحانه
+
الشعر شيكول , عن فارس تحده الموت
وخيبر بيده شاله , وقلع
بيبانه
+
الشعر شيكول , عن فارس , كرم واخلاق
وايمان اوشجاعه اونبل
عنوانه
+
ابميزان التفاضل , عد اله الكون
متميز عله الكل .. علي
ابميزانه
+
الشجاعه اتعلمت منه , الفخر والزود
والجود النفاخر بيه
من شانه
+
مضيف البطل حيدر , مشرع الأبواب
ما تنطفي النار , ويدك
فنجانه
+
اتزوج سيدة خير النساء , اوصار
أبو اليمه , البنو للدين
بنيانه
+
من نكتب بحث , نحتار بي شنكول
اومن نكتب شعر , نحتار
خلانه
+
انولد بالكعبه , وامه الحره تطلك بيه
وابيوم الولاده , ايسبح
السانه
+
الرسول ابيوم , طاحت راية الإسلام
صاح الحيدره , ورد كال
هذه انه
+
وكال الرايه اسلمهه , الرجل كرار
اذا لان الحديد الصلب
ما لانه
+
علي الجندل ابساحات الوغه الابطال
والراسم البسمه ابشفة
اخوانه
+
انولد والسيف بيده , اوفوك مهره ايحوم
ما عاش الطفوله, الطعن
ميدانه
+
ابن عم الرسول , اوزوجته الزهراء
وال البيت كلهم .. صارو
اغصانه
+
حفظ امة محمد , سيفه ذو الفقار
وشهدو موش اخوته , الشهد
عدوانه
|
|
|
• المصدر : http://www.kitabat.info/subject.php?id=91923
• تاريخ إضافة الموضوع : 2017 / 04 / 10
• تاريخ الطباعة : 2025 / 02 / 3