روحـــي مــابــگـت روحـي مـن ســنــيــن تــعـبـانــه
روحـي اتــعَــذبـَـت وَيــآي لـيـش وولـيـش هـيـچ آنـه
تـعـاتــبــنـي عـلـه ايـّــامـي وعـلـلّــي جـره وَيــّــانـــه
گـفـت أيـّـام كـلـهـِن لـيـل ولا چـنـَّـه الـصــبــح يــطــلع
گظـن أحـلام,بـس إسـمـَك يـتـراوالي, بـالـچذب أسمـَع
واچـذب حــتّــه لـعـيـونـي لـوگـام الـجــفــن يــدمــــَع
أشـيـــل الـروح واتـعـَنـّـَه عـَلـَه درب الـيمــُر وارجـه
واتـنـه سـنـيـن وتـمـُرسنـين وسـنيـن الـعـمر حـرجـــه
ﮒظـَن مـاضـَل بـَعـَد بـيـهـن عـلـيمَـن أرجـَه واتـرَجـَّه
مـَرّن مـثـل دمـع الـعـيـن سـَﭼـّاب وومـَـرَّه يـتـﮕـطّـع
واصفـن عـل بـُﮕـه من الروح تـوالي بـيـهه من يطمع
واﭽفي الجـَرح عل جـَرحـيـن عـسـاهـا بالـدمـع تـهـجـع
يـَل ضـَيـّـَك ضوَه عيوني ﭽـنـت كـِـحــلـه وكـَحـِّل بـيك
ﭽـنـت الـمـاي للعـطـشـان وﭽـنت ثـيـاب ودثــر بـيـك
ﭽـنت الـمـطـر لـو تـمـطـر كـــل عـــظـاي تـفـــرح بـيـك
ولّـــّـــن ﭽــن ولا صـارن عــــيـد او وَلـّـَه ذاك العـيـد
نـتـلاﮔـه من الصـبُـح نـظـرات ونـمـشي إيـد تشـبج إيد
وَحـسـّـَك تمـشي بـعـروﮔي وتسري ويـَه النـَفس وتزيـد
وحـس الـدنـيـه مـلـك ايـدي نـطـَتـني والـﮕـلب فـرحـان
وحـس بـفـَرحـــة الـوادم كـل الـناس اصـبـَحَـو خـلاّن
لا واشـــي ولا شــامـــت ولا حــاســد ولا زعــــــلان
وانــتـه الـنـده بــرضـابي وانـتـه اهــلي واصـحـابـي
وانـته فـَـرحـتي بـعــمـري يـَل اسـمـَك مـلـه اكـتـابـي
واشـوف الـعـشـﮓ بـعـيـونـك نور وُ نار واحـضـه بـي
مـن أجـسّـك تـرتـعـش إيــدي وَضُـمـّـك جـَـمره بـوريدي
وحـط الـشـفـّـه عل اشـفـاه تِـرِص خـَدَّك عـَلـَه اخـدودي
وتِوَسّـد صـَدرك ابـصَـدري واحـس ﮔـَلـبـَك يـدﮒ بـيـدي
تــشــب الـنـار بــظـلــوعـي يـنـارك مـا طـفــَت لـلـيـوم
يـَنــورك ضـَــوَّه عــل وجــدان يــَنـورك دوم دايــم دوم
يـل اسـمـك دوه اجـروحـي يـا بـروحي أسـومـك سـوم
ﭽـنـت الـشـَمـس لايــامـي وﭽـنـت امـدلّـَل امـحـَصـَّن
ألـف شـَمـعـه صـرت بـيـدك ﭽـَنهن شـَمس من يضـوَن
طـفـن ولاﭽـنّي علـﮔـت شـموع ولاﭽــَنّي زرعـت بـَربـَن
بـشـموعي ﭽـوَيـت إيـــدي أضــوي واحــتـرﮒ لاجـلـَـك
واداري دمـعـتـي من النـاس واخـاف الـشامـت وهـَجرك
بـعـت حـُبّـي وبـعـت روحي وبـعـتـني بلا ثـَمـَـن ويــلــك
يـاويـلـك من حـوبـَة المظـلوم يـاويلـَك من ونين الـروح
وتـضـَل روحـي تعاتب دوم ويضل دوم الـﮕـلب مجروح
واريـد انـسـاك لـو فـَد يـوم تـجـيـنـي وتـعـتـذر وتــروح
الاستاذ الدكتور عبداللطيف الجبوري
قناتنا على التلغرام : https://t.me/kitabat