صفحة الكاتب : احمد لعيبي

ناس مثل الطماطه..!!
احمد لعيبي

طبعا في احيان كثيرة اتوق ان احمل اكياسا فيها بعض الفاكهة والخضروات وبعض الاشياء خصوصا عند عودتي من الدوام اليومي ..
ركنت سيارتي وترجلت صوب محل لبيع الخضروات كان صوت المذياع الموضوع فوق رف كبير قد ملأ الشارع بأنشودة للحبيب ملا باسم الكربلائي يقول فيها (بأربعينك خويه مشايه اعتنيلك ..باربعينك اترس عيوني واجيلك ...)..
شعرت بأطمأن وانا اسمع القصيدة وامسكت كيسا بيدي كي اختار بيدي بعض الفواكه والخضر فتبسم بوجهي صاحب المحل وقال (صدكني ماكو لكط اني اخلي بايدي وثق انه اللي بالواجهه نفس اللي راح اخليلك من عنده بس كولي شرايد وبالخدمه )في لحظات امتلئت الاكياس وسددت الحساب ووضعتها في السيارة وتوجهت بعدها الى محل بعيد لأشتري بيض وبيبسي وحليب وتمن عنبر ..
وصلت للمحل وكان بالباب واضع مسجل ومشغل اغاني ماتعرف شي منها لكن ابو المحل كان مندمج باغنية ما فهمت منها بس واحد يهدد حبيبته (لانعل ابو الوداج ووياها سب وشتم )..المهم كتله اخذت منه المسواك وطلعت لان اختنكت كلش وحتى ما اختاريت بيدي وخليتها ورة ابو المحل..!!
طلعت للشقة بوجهي ازدحام وبصفي واحد مشغل كاسيت لاهو اغنية ولا هوة لطمية صعدت الجام مال السيارة لحد ما طلعت الازدحام وصلت للمخبز كلت خل اخذلي كم خبزة حارة لكيت ابو المخبز مشغل سعدي الحلي (عشك اخضر )ويبجي ..
بقيت واكف استحي اكله شافني وكَام بسرعة كتله ترة الدنيا ما تسوة ولا تشغل بالك وداعتك الحب اذا تنطيه لشخص ما يستحقه يصير مرض مو حب ..!!
انطيته الالفين واخذت الخبزات شو هذا ما علق على كلامي صحت عليه يا ولد ابو الشباب خويه...
شومارد عليه وطلع ولد ثاني من المخبز كالي خويه تفضل خوماكو شي ترة الولد أخرس واطرش ..!!
اني هم طفرت وكتله لا لا ماكو شي ..
وصلت للشقة نزلت المسواك شو ورة نص ساعة سبحت وصليت اجتني بنتي رقية تكولي بابا اريد فلوس اجيب طماطه وخيار وبيض ...!!
ها واللي جبته قبل شويه ..كالت رقية بابتسامه طفولية راح اخذه اذبه بالزبالة ...!!
ها ليش بابا شنو متعافين ..
المهم فتحت العلاكه لكيت الخيار تواثي تفيد بفيلم مصري مثل الحرافيش والطماطه حتى دود ابيض بيها ..
البيض بداية نمو لفروخ دجاج بيه حديثي الولادة ...
صدك جذب يصير الكاميرا الخفية واني ما ادري يربي زين لا المؤمن ابو باسم الكربلائي نصح وياي ولا هذا ابو انعل ابو الوداج نصح وياي ..شنو الفلم لابو اللطميات ينصح ولا ابو الاغاني.. صدك جذب ..وين ننطي وجوهنا 
وعلي ردت ادور على اغنية سعدي الحلي وابجي مثل الاخرس بس المشكلة ما عندي مسجل بالبيت واليوتيوب النت ضعيف ..
صفنت شوية اتذكرت جماعتنه كلت معقولة الطماطه من فوك مو مثل الجوة والخيار الناعم اللي فوك مو مثل اللي جوة ..
زين معقولة نختار ناس نظيفة وبالاخير يحكمنا ناس مثل الطماطه ام الدودة ..!!
لو يسلطون علينا ناس مثل فرخ الدجاجه اللي بالبيضة ..لاهو ينوكل ولاهو يتربى ...!!
زين معقولة ارجع لنفس المحل واشتري منه واقتنع بيه مرة ثانية ..
المهم الخبز طلع ماصخ بلا ملح ...!!
والبيبسي ما بيه غاز ...!!
انوب الكارثة ماي البصرة بالحنفية كام يطلع بيه زوري ميت !!
وين ننطي وجوهنا يالحمزة ابو احزامين...!! 


قناتنا على التلغرام : https://t.me/kitabat


احمد لعيبي
 (للدخول لصفحة الكاتب إضغط هنا)

    طباعة   ||   أخبر صديقك عن الموضوع   ||   إضافة تعليق   ||   التاريخ : 2019/03/04



كتابة تعليق لموضوع : ناس مثل الطماطه..!!
الإسم * :
بريدك الالكتروني :
نص التعليق * :
 



حمل تطبيق (كتابات في الميزان) من Google Play



اعلان هام من قبل موقع كتابات في الميزان

البحث :





الكتّاب :

الملفات :

مقالات مهمة :



 إنسانية الإمام السيستاني

 بعد إحراجهم بكشف عصيانها وخيانتهم للشعب: المرجعية الدينية العليا تـُحرج الحكومة بمخالفة كلام المعصومين.. والعاصفة تقترب!!!

 كلام موجه الى العقلاء من ابناء شعبي ( 1 )

 حقيقة الادعياء .. متمرجعون وسفراء

 قراءة في خطبة المرجعية : هل اقترب أَجلُ الحكومةِ الحالية؟!

 خطر البترية على بعض اتباع المرجعية قراءة في تاثيرات الادعياء على اتباع العلماء

 إلى دعاة المرجعية العربية العراقية ..مع كل الاحترام

 مهزلة بيان الصرخي حول سوريا

 قراءة في خطبة الجمعة ( 4 / رمضان/ 1437هـ الموافق 10/6/2016 )

 المؤسسة الدينية بين الواقع والافتراء : سلسلة مقالات للشيخ محمد مهدي الاصفي ردا على حسن الكشميري وكتابيه (جولة في دهاليز مظلمة) و(محنة الهروب من الواقع)

 الى الحميداوي ( لانتوقع منكم غير الفتنة )

 السيستاني .. رسالة مهدوية عاجلة

 من عطاء المرجعية العليا

 قراءة في فتوى الدفاع المقدس وتحصين فكر الأمة

 فتوى السيد السيستاني بالجهاد الكفائي وصداها في الصحافة العالمية

 ما هو رأي أستاذ فقهاء النجف وقم المشرّفتَين السيد الخوئي بمن غصب الخلافة ؟

 مواقف شديدة الحساسية/٢ "بانوراما" الحشد..

أحدث مقالات الكتّاب :


مقالات متنوعة :





 لنشر مقالاتكم يمكنكم مراسلتنا على info@kitabat.info

تم تأسيس الموقع بتاريخ 1/4/2010 © محمد البغدادي 

 لا تتحمل الإدارة مسؤولية ما ينشر في الموقع من الناحيتين القانونية والأخلاقية.

  Designed , Hosted & Programmed By : King 4 Host . Net