ابعثلچ سلامي
سعيد الفتلاوي

 قصيدتي هذه الى روح والدتي الحبيبه

والى كل الامهات في العالم بمناسبة

يوم المرأة العالمي

.......................................

وحيد وحاير بهمي ياُمي

سلامي دوم ابعثلچ سلامي

.....................................

سلام الله على روحچ يروحي

منو يداوي بعد فگدچ جروحي

يظل حزني عجيب ودام نوحي

تحاچيني وتناديني بمنامي

...................................

غريب بدنيتي هايم واعاني

الم واحزان كل ساعه بزماني

ازور الگرچ اتمنى الاماني

يرفعت راس كل اهلي وعمامي

........................................

صعب فگد العزيزه تاج راسي

صبر منك يربي انت التواسي

حياتي هموم والام ومآسي

شدايد عني لو صارت تحامي

.............................

ييمه الروح تشكيلچ المها

بُعد واحزان والوكت الهضمها

حزينه تريد لاحظانچ تضمها

ذهب انتي الصبر منبع هيامي

.............................

تساعدني الحنينه عالمصايب

اريد اليوم صبرچ عالنوايب

الوج الوحدي يا اغلى الحبايب

اذكرچ بالصلاه وبكل قيامي

.............................

طحت بالضيج ياعمري وْودادي

تراني بشوفتچ الگه مرادي

حنان البيچ تشهد لالعبادي

احير شلون اكتبلچ كلامي

.............................

عزائي بيچ رافگني بهمومي

تهت بعدچ تهاوت كل علومي

ليالي سود غابت كل نجومي

يِنوح اليوم يم گبرچ غرامي

 

...........................................................

..........................................................

 

خادم اهل البيت ( ع )

الموضوع السابق عزف على جسد العشق

قناتنا على التلغرام : https://t.me/kitabat