نواعي للامام الصادق ع
سعيد الفتلاوي

نوحي على المسموم بارضچ يالمدينه

جعفر امام الدين بالسم غادرينه

ولد ابن ابو العباس ما رحمو ولينه

عاش العمر بالام وِسْنينه حزينه

 

...................

 

نواسي بعزانه اليوم للزهره الحزينه

وننعه بْالم وبْاه ونْعزي الامينه

مجلس عزاء او نَوح عالصادق ولينه

ما راعو الانذال كل حرمه النبينه

 

...................

 

جارو بني العباس عالعتره او حَرَمها

قتل او عذاب او جور ما رحمو زلمها

نكرو وعود الثار من نادو بسِمها

ثار الشهيد حسين سيدها او علمها

 

...................

 

يابو الرضا انعزيك بالوالد حبيبك

بالسم ابوك انصاب والصابه يصيبك

سم الحقد والغيض بعده من نصيبك

امصابك امامي چْبير والباري حسيبك

 

...................

وينه الينوح اليوم وينه

اعله المصاب البالمدينه

وْينعه الامام الظالمينه

گوم الغدر اهل الضغينه

 

...................

 

بشوال صارت هالبليه

الشيعه تنوح بهالمسيه

سمو امام الجعفريه

فخر الامامه الهاشميه

 

...................

 

ون يا گلب ون عالمصيبه

وانعه الحبيب ابن الحبيبه

واذكر لياليه العصيبه

سم الحقد اصبح نصيبه

الموضوع السابق هجائي للفأر الشعري عبد الرزاق عبد الواحد !!

قناتنا على التلغرام : https://t.me/kitabat