شلون زينب من خذوهه اميسره
عقيل التميمي

شلون زينب من خذوهه اميسره       خلي اشرح لك يمسلم ما جره
بقت وي احزانهه    
بكربله   ونيرانهه
خلي  اشرح  لك   يمسلم  ماجره

-   -        --          --

راد يمحي ايزيد  دينك يانبي      وانه للاصلاح اخذت اعيالي
دين جدي ابدمي وعيالي اكتمل      وقدمت  حتى  الرضيع  الغالي
الكص ركبته حرمله ابسهمه اللعين       وقدمت   للموت   كل    ارجالي
قدمت فرسانهه
من اجل ايمانهه
خلي اشرح لك يمسلم ما جره

--   --        -  -

يختي زينب واصلي هذا الطريق       هذا  خط  الله  لتغيرينه
اختاره ربي انه احنه النمشي بي       نثبت الراية وننصر دينه
واحنه درب الي اختاره انه الاله     شلون ميكون الدرب ماشينه
رجال حرة وشانهه
اتضحي   لايمانهه
خلي   اشرح    الك   يمسلم  ما جره

----    --      ---      --

بالحرم وصيت زينب والعيال   وخبرته اليجره بعد ارحيلي
كربله يوم الحشر يختي تصير  ويسال المعبود وين حسيني
اني ردته ابروحه وبكل العيال  يطلع اعله الظلم ينصر ديني
خرج  ينصر  دينهه
وعلى الحك ايعينهه
خلي اشرح  لك  يمسلم  ما جره

--      --         --

رفعت راسي وانظرت اعلى السماء        وكتله  ياربي الصبر  تطيني
وجني اسمع عن قرب صوت ونداء    حسين دمه  ايصير نورالديني
حسين  دمه  من  سلالة    انبياء          ودمه   مثل  الانبيا  يعنيني
اهتزت باركانهه من وكع  ربانهه 
خلي اشرح لك  يمسلم ما  جره

--    --        --     --
شوف راس حسين مرفوع ابرمح    وشوف دمه ايسيل من صوب الذبح
شوف عينه تنظر الصبر العيال        شوف شفته تقره قران الجلال
شوف وجه اينور اكثر من شمس       وصار للعالم ابن حيدر مثال
بالحسين   اجيالهه
اتقيس كل اعمالهه
خلي اشرح لك يمسلم ما جره

الموضوع السابق مسرحية الصراع ......ابداع ميساني مبهر ومتواصل .

قناتنا على التلغرام : https://t.me/kitabat