اله الحق رجيناك
سعيد الفتلاوي

 تعبنه او حيل ما عدنه يمولاي

الهي ابجاه كل مرسل دعيناك

 

وْنبي او مبعوث من عندك للاقوام

ولي او معصوم باسمه احنه ارتجيناك

 

وْعليك ابجاه كل حر مْن الاحرار

تفرّجها اله الحق رجيناك

 

بلا رحمه ولونه اليوم الاشرار

الارض تشهد ظليمتنه والافلاك

 

وْجرحنه اچبير ما مثله بالِجْروح

جروح البينه ما طابن بلياك

 

صبرنه اسنين عالصار او عله اقدار

لذلك يا الهي ما نسيناك

 

 

..............

 

وطن مذبوح ذبحوه الانجاس

وِلد مامون اشرار السلاطين

 

يريدون الحكم يرجع للاشرار

ابد والله ما يرجع والحسين

 

قتل وارهاب واهواي المجاريح

حرب ما رحمت اطفال او مساكين

 

وْفتن وافعال ما يرضاها الاسلام

علينه احكام فرضوها الملاعين

 

الك نرفع دعاوينه يقهار

نعيش ابذل يريدونه بلا دين

 

دخيلك يا الهي من الانذال

تزلزها عليهم هالشياطين

 

 

..............

 

ولا گلب العلينه اليوم محروگ

وْلا دمعه التواسي مات الاحساس

 

اخويتنه العرب من عدهم الصار

يصدرون الفتاوي او ذبحو الناس

 

فتاويهم خبيثه او حرگت الدار

قتل وارهاب كافر ما اله اقياس

 

حسافه او حيف من هالاخوه الاعداء

وْحسافه او حيف ارض عْراقي تنجاس

 

بْسبب حاقد لعين او عابد المال

وْسبب حبنه العلي والبيت والساس

 

ابد منعوفه لا والحق والاكوان

علي هوّه الاصاله او رفعة الراس

 

علي اصل العداله او راعي الايتام

علي او لا ما نعوفه الگطع الانفاس

 

علي المظلوم باسمه اينادي ويْصيح

علي صوت الاله الحق ينبراس

 

علي امطبّق كلام الله بالافعال

علي اعظم امام الكل الاجناس

 

علي عالِم فقيه ابكل الاديان

علي ابعمره او حياته ما عرف باس

 

علي العالَم يطيعه او كل الافلاك

علي مْن اكتب كلامه ابين الاقواس

 

علي اعجاز او بلاغه او ما اله امثال

علي او كلمن يبغضه من الانجاس

 

الموضوع السابق تاملات في القران الكريم ح97 سورة الاعراف

قناتنا على التلغرام : https://t.me/kitabat