للموت ما ننساچ يمّ الحسن
لمْصابچ الهليوم يبچي الزمن
..............
مظلومه يازهراء حزنچ ازل – ونْعزي داحي الباب خيرالعمل
تبقه المجالس دوم تنعه الاجل – طول السنه او كل يوم ماينتهن
................
بعد النبي المختار عشتي ابحزن – بغض او ضغينه اعليچ محّد يحن
مفجوعه بالآهات گلبچ يئن – عشتي اباَلم والوان شفتي المحن
................
ما ننسه يوم الباب من انكسر – نار الحقد عالدار بامر الكُفَر
ضلعچ سره البسمار بيه انفطر – باسمچ يزهره الكون كلّه ارتهن
..............
ننعه المصيبه وابنچ اللي وگع - وافعال هالظلام اهل البدع
المَلَك ويّه الحور بيچ انفجع – مْصابچ اساس الجور واصل الفتن
.................
فرضو فتاوه احكام كلها ظلم – اهل السقيفه الخطّو ابشع جُرُم
سَنّو عهد مشؤوم لجل الحُكُم - بامرچ لبو الحسنين ربنه امتحن
.................
مْصابچ يزهر اچبير ما ينوصف – لو نندل الگبرچ نجيله زحف
سرّ او يظل مجهول ما ينعرف – ندعي الاله ايظهره راعي المنن
قناتنا على التلغرام : https://t.me/kitabat