ثورة صدرنه
سعيد الفتلاوي

حي الصدر عد ربنه لا ما مات

عاش بْگلب مفجوع باللوعات

 

هْموم العراق او لوعة الاشرار

شاف الظلم والجور والآهات

 

جارو عليه سْنين ليل نْهار

تْحده العده او عيّشهم ابحسرات

 

تشهد نجفنه اعليه والبلدان

بْفكره او علومه ارفعت الهامات

 

بحر العلوم او درّة الافكار

باقر صدرنه قائد الحوزات

 

تْحدّه المنيّه او واجه الطاغوت

قائد عظيم او فجّر الطاقات

 

دولة محمد صاح يوم الثار

قاد الشباب او قام بالثورات

واعلن ولائه الحيدر الكرار

مصدر ثورته او منبع الصولات

 

لا لليجور او زمرة الظلام

اصبح شعار ايدور بالحارات

 

بْثورة صدرنه احتارت الانذال

زلزل حكمهم شافو الويلات

 

حملة ظلم شنّو عله الشبّان

لا للصدر خَطّو عله البلدات

 

وْبارض النجف غارو عله الثوار

واخذو صدرنه اعليهم اللعنات

 

الذاك اللعين الحاقد المجنون

خلّه الامام يْعيش بالانات

 

حطّه بْسجن او مْچتفه بْاغلال

رحب صدرنه بْهادم اللذات

 

رافع جبينه او يسأل الرحمن

يْرزقه الشهاده يْحشره بالجنّات

 

بصدر العراق افتخرت الاسلام

تسعه اربعه خالد يظل بالذات

الموضوع السابق تاملات في القران الكريم ح106 سورة الاعراف الشريفة

قناتنا على التلغرام : https://t.me/kitabat