كل الوشوش وقعت
وبانت حقيقة الوشوش
واللعب ع المكشوف
مين خان وفتح المزاد
لبيع الأرض والحدود
لأن الوطن ميهموش
مين فتح للكدب دكان
يبيع الوهم فيه
ويتاجر كمان بالدين
لا خفتوا من ربنا
ولا شعرتوا بكسوف
طلعتوا ع الشاشات
بوجوه كئيبة ودقون
جايين تضحوا علينا
وتتكلموا فى الدين
طول عمرنا مسلمين
قبل ما نبتلى بيكم
بمئات السنين
وشوشكم العكره
مش زى وشوشنا
المصرى دايما
وشه بشوش
ونفوسكم مريضة
وعقولكم عليها تشويش
*****
قتلتوا ولادنا وجنودنا
فى سينا وكل مكان
الصهاينه بقوا حبايبكم
وكمان الأمريكان
قلتوها واضحة زمان
طز فى المصريين
نسيتوا عروبتكم
وخنتم فلسطين
ازاى تقولوا احنا عرب
وازاى تكونوا مسلمين
ارهابكم مش هيرعبنا
طول عمركم غدارين
مالكوش مكان بينا
لازم ترجعوا الجحور
شمس الحقيقة سطعت
ومسحت كل الرتوش
كل الوشوش وقعت
وبانت حقيقة الوشوش
*****
كاتب وشاعر مصرى
قناتنا على التلغرام :
https://t.me/kitabat
الموضوع السابققناتنا على التلغرام : https://t.me/kitabat
.jpg)
