احبه
صالح العجمي

  بحجم الكون احبـه واتساعـة 

ولاجله اعزف الكلمة و  اغنـي 

ترجيت النسيم يوصف طباعـه 

تعذر لـي وقـال لا  تمتحنـي 

قلت لو تقتدر خذ لـي شفاعـة 

من عيونـه وكحلهـا  بهمـي 

وقله اني على سمـع وطاعـة 

ومن غيث السماء ما خاب ظني 

هذاك اللي اخذ عقلـي بساعـة 

ومن نظـرة عشقتـه  وفتنـي 

اعرف انه خطف قلبي  وباعـه 

قصور في الهوى ما هو  تجني 

اكيد هناك من صـده  وراعـه 

وتوه خطوتـه واغـواه عنـي 

صعيب انساه ما عندي مناعـه 

وحبه فـي شرايينـي  ودمـي 

ما اقول إلا الهوى مثل البضاعة 

تبيع وتشتري والغيـر  يجنـي 

وانا والله مـا شلتـه بضاعـة 

وانا في الحب واضح ما اكنـي 

وجرحي للأسـف زاد اتساعـه 

وخياطـه بعيـد اليـوم منـي 

الموضوع السابق على اليطان طلع الجان

قناتنا على التلغرام : https://t.me/kitabat