غدروك بْسجنك غدروك
سعيد الفتلاوي

يا والينه يا مظلوم     غدروك بْسجنك غدروك
آ يالكاظم يا مسموم  غدروك بْسجنك غدروك
...................

منكوبه الشيعه وْمفجوعه – لمصابك تنعه وْمفزوعه
بْالآم احزانك موجوعه – حزن الطفّ انعاد اليوم
يا والينه يا مظلوم
.........

هبّينه الگبرك هبّينه – ما ننسه مْصابك والينه
وْنتحدّ اليمنع ناعينه – نراويل الويل المحتوم
يا والينه يا مظلوم
.........

نلعن هارون وْاتباعه – والخالفكم واللي طاعه
نلعنهم لِقْيام الساعه – يخزيهم ربنه القيّوم
يا والينه يا مظلوم
.........

ربّ العزّه مْعلّي شانك – نَوّر بغداد بْاَنوارك
تفخر خلّاها بْديوانك – عامر ديوانك للدوم
يا والينه يا مظلوم
.........

لو طحنه بْضيج احنه وْشدّه – نتعنه البابك واندگّه
وْبِسْمك للباري نترجّه – بْجاهك متظل عدنه هموم
يا والينه يا مظلوم
.........

خل يسمع داعش وانصاره – صرحك لا ما تطفي انواره
مامون وْيزهي بْزوّاره – ماهمّه ارهابه المهزوم
يا والينه يا مظلوم
.

الموضوع السابق شرفت عصري

قناتنا على التلغرام : https://t.me/kitabat