آنه رايح للحشــد
علي حسين الخباز

آنه رايح للحشــد
خاف يارب ما أرد
عندي عاده وخادم حسـيني أنه
وخاف ما عيشن محرم هالسنه
ــــــــــــــــ
ربي كل عام لخدمته معاهد
وهسه هم لجل الحسين مجاهد
حتى لا يوصل ضريحه الحاقد
لچن خايـف من اروحــن ما رد
مو على روحي خفت
عندي موكـب فكـرت
انه كل عاشـور اعيــشنه بهنـه
وخاف ما عيشن محرم هالسنه
ــــــــــــــــــ
آنه علمنـي محـــرم ما ذل
وهسه وگتي وآنه جدآ قابل
كون وي عشرة محـرم نازل
حتـــى ارتاح وأرد متفــائل
وبالشهاده اشعر طعم
عالاقـل شابع لطــم
ربي داعش ذولــي ذريـــة زنا
وخاف ما عيشن محرم هالسنه
ـــــــــــــــــــ
حتى احافظ عالشــعائر رايح
وچفي بچفوف الكفر ماصافح
ولليمس ارض الوطن ماسامح
لچن شوفي اعله المواكب شابح
عندي فتوه وجاهدت
وحتى يارب لو متـت
غايتي المشايه تمشي مأمنـه
وخاف ما عيشن محرم هالسنه
ـــــــــــــــــــ
آنه عمري للشـــعاير ناذر
ألحشد عندي شعيره وصابر
وحتى لو فارگ مواكب باچر
خطوه خطوه يندعيلي الزاير
ومن زيارة الاربعين
لو احصل خطـوتين
آنه روحي اعله المشي متسودنه
وخاف ما عيشن محرم هالســنه
ـــــــــــــــــــ
صار بين اثنيـــن حــاير بالي
الحشد غالي وهم محرم غالي
ذني صـارن جــزء من دلالي
وراح بيهن راسي يصبح عالي
ذني أكبر مفخره
بدنيتي وبالآخره
بيوم احصلهن احس يوم المُنـَه
وخاف ما عيشن محرم هالسنه
ــــــــــــــــــ
ياحسين

الموضوع السابق " تأملات في وضح الألم " قراءة في ديوان " لن أغير شكل موتي " للشاعر أحمد ألعاشور

قناتنا على التلغرام : https://t.me/kitabat