سَجّلها يالتاريخ
سعيد الفتلاوي

  سَجّلها  يالتاريخ  واذكر هالمحن

ما شفنه راحت بال آهات وْ فتن

.

سجّل دمانه اللي جِرَت وبْلا ذنب

واذكر سبب هذا الفعل ياهو وْلمن

.

سجّل ظليمة هالوطن شعبه نْفجع

ارهاب تفجير وْ سبي اتعس زمن

.

..ويلات  ما منها  ابد  في كل  بلد

وْ لوله الحشد والله چا ضاع الوطن

.

لبّو  نداء  الحق  لَبو  محمد رضا

رْجال العقيده البيهم النصر قْتِرَن

.

واذكر ملاحم جيش ما يعرف قهر

جيش العراق  القدّم  الوان الصور

.

مو  طائفي  هالجيش  يخسه  اليدِّعي

من كل طوائف هالشعب جيش  الفخر

.

وْ لا تنسه شرطتنه البواسل والقمم

بْسوح المعارك  ذلّو اشرار البشر

.

شرطه اتحاديّه الأبد ما قصّرت

وفّت وعدها والشعب بيها فْتخر

.

وْ سجّل يتاريخ الخذل شعبه وْ نهب

والباع  گاعه  وْعافه بالشِدّه  وْ طفر

الموضوع السابق أنفاس الطريق..

قناتنا على التلغرام : https://t.me/kitabat