شوهتوا سمعة (السترة والبنطرون) ؟!
 ليش تستغربون من أكتب منشور أشتم بيه كل واحد لابس قاط ورباط وأتهمه بالزندقة والعمالة والخيانة لأن أكو كم مخربط لبسوا القاط ؟!
 
هل معقولة أن سبب إستغرابكم هو أن (الواحد لا يمثل الا نفسه) ؟!!
 
معقولة مستغربين لأن إذا واحد لابس سترة سوده وغلط غلطة ما الهم دخل باقي أهل الستر السود ؟ وكذلك للي سترته بيضه ؟
 
طيب ليش العمامة السياسية من تغلط يصير السب على العمامة الدينية ؟ لا وحتى عالدين والعقيدة بل توصل للكفر أحياناً ؟
 
عله فكرة :
 
الحوزة مؤسسة مثل الجامعات والكليات يعني مؤسسة علمية دراسية ، من يغلط ابو القميص والبنطرون الي بالحكومة محد يسب طلاب واساتذة الكليات . 
بس من يغلط المعمم الي بالسياسة تنسب الحوزة والعمادة مال الحوزة والمنهج هم ينسب ههههههه والله يالله شنو هالعقول المخربطة ؟!!
 
هسه يگولون لا لا لا لا الشغلة تختلف العمامة تمثل الدين ؟!
 
لا حبيبي عمامة السياسة تمثل السياسة وبس لأن السيد السيستاني من طبت الاحزاب قالها بالحرف الواحد المعمم لا يشترك بالاحزاب والسياسة .
 
نقطة راس سطر : يعني الي اشترك بالاحزاب منهم قولوله انزع عمامتك واحترم المرجعية .
 
تعرف إلي يسب المرجعية لأن أكو خمس او عشر نفرات او مئة نفر معمم مخربط بالحكومة هذا لو مختل عقلياً لو موجه من حيث يشعر أو لا يشعر .
 
والا بربك شنو معناها أن اني أنطي نظريات بالطب واني مو طبيب ؟! وبالهندسة وآني مو مهندس ؟! وبالدهين وآني مو حلواجي ؟!
 
المرجعية (سواء عجبك أم لا) هي مقام النيابة عن معصوم شاء الباري أن يغيبه بآخر الزمان وأي فعل منها (مع كونه مو معصوم) مسدد بعناية الإمام عجل الله فرجه ، يعني ماعدنه شي اسمه فتوة جهاد عالمشتهاية ؟!!والا كان المرجع صدرها قبل كم سنة من داعش .
 
كانوا يقولون المرجعية نائمة ، وإجه الوقت الي عرفتهم المرجعية طعم النوم بأمان من حجزت داعش عنهم ؟!! تعرفون إلمن أقصد ؟! 
 
أقصد أبطال الكيبورد .. أبطال الدولة المدنية الي غيروا العالم وشبعنه من تنظيرهم .. عله خطوات كان داعش سابي نسوانهم ومقتل اطفالهم بس ربك أنطق أسطورة العصر وأصدر فتوى الجهاد .
 
والي طلع للجهاد هم اهل الدين ، ما طلعوا ابطال الكيبورد الي اكتفوا بالجيوش الالكترونية للتسقيط بعد ما شافوا فشلهم .
 
ما اقولك الاحزاب الدينية نجحت ؟! والسبب بالاحزاب الي ماطبقت من الدين شي وانما بإسمه سرقت ونهبت .
 
(لا تتهم النظرية بالفشل إذا فشل المطبقون لها)
 
 
توقعوا من نظرياتهم المضحكة :
لازم المرجعية تصدر فتوه بالحكومة ليش ساكتة عنها 
 
يعني تخيلوا كل هالحچي من المرجعية من يوم نادت (بالتغيير) إلى يوم صاحت (بُحت أصواتنا) كل هذا والمرجعية ما حركت الشعب ؟!! 
 
يا أهل العقول الراقية مو ع أساس الوطن ميحتاج تنظير العمامة ليش تنظرون فتوه ؟!
 
أسألكم بربكم الحرامي من يطب لبيتك تنتظر فتوه حته تمنعه ؟
 
مو بيتك (وطنك) نهبوه وانت نايم عالكيبورد وتصيح متحچي المرجعية ؟!! 
 
شسويلك اذا الجمعة نايم ومتسمع خطب الجمعة حقك سهران بالليالي .... ؟!!
 
 
 
مختصر مفيد :
 
 
العمامة شرفنا وهي الي حفظتنا غصبن علي يرضه والي ينطعج .
 
العمامة السياسية الله بريء منها قبلنه لأن خالفت نائب الامام من قال لها لا تدخلي السياسة .
 
المرجعية اعرف منا بقراراتها فبطلوها سالفة هچي سوي وهچي گولي .
 
 
هاي سالفة الطعن بالأعراض من تضوج من واحد ما إلها غير معنى واحد :
 
أنك .............................. مع كل تقديري وإحترامي لك 
 
 
تحية لكل عمامة في أراضي الجهاد وسوح الوغى نقبل اقدامكم واقدام المجاهدين .
 
تحية لكل معمم في الحوزة يهلك نفسه في التبليغ وخدمة الناس .
 
العمة بعيون الي ميشوف نشاط المرجعية والحوزة وبعيون الي يشوفه ويغلس .
 
تقبلوا تحياتي
خادم المرجعية والعمامة الدينية

قناتنا على التلغرام : https://t.me/kitabat


    طباعة   ||   أخبر صديقك عن الموضوع   ||   إضافة تعليق   ||   التاريخ : 2016/07/08



كتابة تعليق لموضوع : شوهتوا سمعة (السترة والبنطرون) ؟!
الإسم * :
بريدك الالكتروني :
نص التعليق * :
 



حمل تطبيق (كتابات في الميزان) من Google Play



اعلان هام من قبل موقع كتابات في الميزان

البحث :





الكتّاب :

الملفات :

مقالات مهمة :



 إنسانية الإمام السيستاني

 بعد إحراجهم بكشف عصيانها وخيانتهم للشعب: المرجعية الدينية العليا تـُحرج الحكومة بمخالفة كلام المعصومين.. والعاصفة تقترب!!!

 كلام موجه الى العقلاء من ابناء شعبي ( 1 )

 حقيقة الادعياء .. متمرجعون وسفراء

 قراءة في خطبة المرجعية : هل اقترب أَجلُ الحكومةِ الحالية؟!

 خطر البترية على بعض اتباع المرجعية قراءة في تاثيرات الادعياء على اتباع العلماء

 إلى دعاة المرجعية العربية العراقية ..مع كل الاحترام

 مهزلة بيان الصرخي حول سوريا

 قراءة في خطبة الجمعة ( 4 / رمضان/ 1437هـ الموافق 10/6/2016 )

 المؤسسة الدينية بين الواقع والافتراء : سلسلة مقالات للشيخ محمد مهدي الاصفي ردا على حسن الكشميري وكتابيه (جولة في دهاليز مظلمة) و(محنة الهروب من الواقع)

 الى الحميداوي ( لانتوقع منكم غير الفتنة )

 السيستاني .. رسالة مهدوية عاجلة

 من عطاء المرجعية العليا

 قراءة في فتوى الدفاع المقدس وتحصين فكر الأمة

 فتوى السيد السيستاني بالجهاد الكفائي وصداها في الصحافة العالمية

 ما هو رأي أستاذ فقهاء النجف وقم المشرّفتَين السيد الخوئي بمن غصب الخلافة ؟

 مواقف شديدة الحساسية/٢ "بانوراما" الحشد..

أحدث مقالات الكتّاب :


مقالات متنوعة :





 لنشر مقالاتكم يمكنكم مراسلتنا على info@kitabat.info

تم تأسيس الموقع بتاريخ 1/4/2010 © محمد البغدادي 

 لا تتحمل الإدارة مسؤولية ما ينشر في الموقع من الناحيتين القانونية والأخلاقية.

  Designed , Hosted & Programmed By : King 4 Host . Net