• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : باب الستر .
                          • الكاتب : سعدون التميمي .

باب الستر

ندم كلي ندم من جدمي للراس
لان شلتك حلم وبروحي مريت
حضنتك سيف تذبحني واداريك
وتكص حبل الوصل وتكلي شديت
انه نهر الوفه بداخلي موجود
وانت من الغرورالبيك شحيت
سويتك بدي والوادم شهود
وتطك انت عليمن بيه طكيت
نطيتك ظهر جرحي وامنت بيك
وجبت ملح الغدر بجروحي خليت
وتعيرني كعدت بفيك سنين 
ياشجرة غرور وبيك ثقيت
اذا ماتت الشجرة تصير تابوت
ولان ميت ضميرك هيجي سويت
تحط بشوك عالششجرة العصافير
بس فنها التحط اعله التوابيت
انه باب الستر يالكتلي زغير
وزغير الباب بس كل عفة البيت



  • المصدر : http://www.kitabat.info/subject.php?id=14817
  • تاريخ إضافة الموضوع : 2012 / 03 / 05
  • تاريخ الطباعة : 2022 / 08 / 10