• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : وَن الليل .
                          • الكاتب : سعدون التميمي .

وَن الليل

بعدهي صورتك فوك الحياطين
بعدهي تشع أمل وتنور البيت
ولاجنك غبت عن عيني سنين
يايمه آنه بحسترك والله ظليت
ردّت كلها ربعك ياضوه العين
وعيني أعله الدرب جاليش ماجيت
ييمه إذكر إرباي وتعب السنين
وسهرت شكثر يمه وإلك لوليت
أنه ردتك تزيل هموم الأيام
وإنت هموم فوك همومي خليت
ليش بسرعة يمه تريد الفراك
ومثل فرت حمامة ومني فريت
خذاك الموت يمه وبعدك زغير
آنه أمك تعال وكلي رديت
يبوطول الحلو ياشمعة الدار
يفراشة محنة إووين حطيت
ربيتك بديّ ودموعي إشهود
وخذاك الموت ماجني آنه ربيت
شماتبعد علي بعيوني موجود
وبعدني أشتاق إلك وشكثر حنيت
 



  • المصدر : http://www.kitabat.info/subject.php?id=15712
  • تاريخ إضافة الموضوع : 2012 / 04 / 02
  • تاريخ الطباعة : 2022 / 08 / 19