• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : غصة قصيرة جداً .
                          • الكاتب : علاء سعدون .

غصة قصيرة جداً

• عمو أني جوعان !
• وين بيتكم عمو ؟
• عمو أحنه ما عدنه بيت !
• ليش ما عدكم بيت وين كاعدين لعد ؟
• عمو جان عدنه بيت جبير كلش بس باكوه!
• منو باكه؟
• امي تسميهم (الملاليج)..
• و منو هذوله ؟
• مره يطلعون بالتلفزيون، ومره يوزعون بطانيات، ويكولون راح نسوي المجاري ونبلط الشوارع، عمو بس همه ما يدرون وناسين أهم شي ... يا مجاري ويا شوارع وأحنه بيت ما عدنه!
• حبيبي امشي وياي دليني وين كاعدين ؟
• عمو ادليك بس مو تكل لمي اني كتلك ما عدنه بيت تره ما تقبل ..
• وليش ما تقبل ؟
• أمي دوم تكول احنه بخير وعايشين وبيتنه العراق بكبره.. بس هسه هيه مريضه وما تكدر بعد تخبز للناس وتنظف بيوتهم حته ينطوهه خبز وهدوم.
• عمو انته شنو تتمنه؟ يعني اكبر حلم الك شنو؟
• أمي تكوم من مرضهه وترجع تخبز للناس حته ناكل لكمه وتجيبلي هدوم للعيد راح يجي..
• وامك شنو حلمهه حبيبي ؟
• أمي ... امي تتمنه تشوفني جاي من المدرسة والمعلمة كاتبتلي(احسنت يا بطل).
 
(هي غصة في القلب وليس قصة)



  • المصدر : http://www.kitabat.info/subject.php?id=44075
  • تاريخ إضافة الموضوع : 2014 / 03 / 19
  • تاريخ الطباعة : 2023 / 02 / 1