• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : دجاج برازيلي .
                          • الكاتب : حيدر الحد راوي .

دجاج برازيلي

 ارتدى راجي سترته , ثبت العقال على راسه , وازن نزول الليشماغ على كتفيه , وهمّ بالخروج .
راجي : ام سعد .. شجيب الكم غده اليوم ؟
ام سعد : والله يبو سعد .. من زمان ما كلنه لحم .
راجي : ابشري .
اغلق راجي الباب خلفه , وانطلق يسير بخطى متزنة , حتى قابل خريجان .
راجي : شلونك يخوي ابو خيري ؟
خريجان : ماشي الحال .
راجي : وين بيها ؟
خريجان : للسوك .
فسارا حتى دخلا السوق , فقصدا القصاب  .
راجي : بيش الكيلو اليوم ؟
القصاب : 15 الف
ادخل راجي يده في جيبه , اخرج عملات ورقية , فعدها وقال .
راجي : عندي خمستالاف ... ما بيهن نص كيلو .
خريجان : خلي انروح انشوف المجمد .
تابعا سيرهما , حتى وصلا محل بائع اللحوم المجمدة , وقع نظر راجي على الدجاج البرازيلي , فقلبه , وانبهر بحجمه .
خريجان : هذه برازيلي .
راجي : بس خوش دجاجة ... سمينه .
خريجان : انه قريت بالانترنيت .. يكولون الدجاج البرازيلي بيه مرهونات
راجي : الله يستر ... مرهونات !
خريجان : أي يعلفون الدجاج بالمرهونات ... وهاي المرهونات تسمنّ الدجاج .. وتبقى بالدجاج .. ومن ناكله تدخل بجسم الانسان .
راجي : انه اخوك ... جا هاي الدجاجة اشماله ما تعرف المرهونات ؟
خريجان : اشمدريها الدجاجة ! ... يخلطونه بالعلف
انصت البائع لحديثهما , فبادرهما بأبتسامه .
البائع : قصدك هرمونات و مواد كيمياوية اتسمن الدجاج .. بس هاي المواد تبقى بلحم الدجاج .. وبالتالي تدخل بجسم الانسان الياكلها...
راجي :  انه اخوك ... وتمرض !
البائع : هاي دعايات .. وحجي ماله طعم
خريجان : والله انه امصدك ... ما اشتري الدجاج البرازيلي .. شو ناوشني دجاجتين الكفيل
راجي : الكفيل .. بيش الدجاجة .
البائع : ابخمسة
راجي : اجيت فيت .. انه عندي بس خمسة ... هاك اربعه ونص بس ... ونص اشتري بيه خضرة ... خريجان .. الخضرة هم بيها مرهونات ؟!!
 




  • المصدر : http://www.kitabat.info/subject.php?id=6110
  • تاريخ إضافة الموضوع : 2011 / 05 / 27
  • تاريخ الطباعة : 2024 / 03 / 19