عِبره وْعَبره طفّك يا بو الاحرار
باسمك يا حر تهتف كل الثوّار
.
......................
.
عاشور يا بو اليمّه منهجنه وْ دربنه – بْهذا النهج ماشين نفديه بْعمرنه
ثوّار عالطاغوت والشتّت شملنه – منعيش بْذلّه وْ لا منوت بْعار
.
.........
.
منّك تِعَلمّنه نِثور عْله الظليمه – وانحاسب اليحكم غلط والحق نقيمه
والمانصف شعبه وْ رضه بْذلّ الهزيمه – شيِبرر مرفوضه منّه الاعذار
.
.........
.
ارواحنه فدوه الك والدم نِسيله – وانعادي كلمن خالفك يبن الجليله
وْكل حاكم وْيانه اختلف لازم نقيله – ما نسكت عنّه ونْقيله شْماصار
.
........
.
عشنه المآسي والفتن شفنه البلايه – وارض العراق الهالظلم صارت دعايه
هبّينه عالظلم الجره السوح المنايه – ثورتنه بْاسمك منهاب الاخطار
.
........
.
اهل السياسه اللي التِهَو بالجاه والمال – بسّ الوعود الكاذبه وبْلايه افعال
ضاعت امانينه وْمضت ماظلّت آمال – زاد الغم والهم دمنه صار انهار
|