• الموقع : كتابات في الميزان .
        • القسم الرئيسي : ثقافات .
              • القسم الفرعي : ثقافات .
                    • الموضوع : جايب اوياك الظلام .
                          • الكاتب : ابو فاطمة العبودي .

جايب اوياك الظلام

 انت جاي اوجايب اوياك الظلام
واني جاي وجايب اوياي الضوه
لأن فكرك مثل بيت العنكبوت
يوگع ابساع امن اقل نسمة هوه
عقلك امبرمج وقافل عالدمار
من كثر ما دمّرت عقلك خوه
داعشي واتريد تعطيل الحياة 
اتشوف وجه الشمس والظلمه سوه
انت جاي اتعيدني العهد الكهوف
انطيني مشروعك يداعش ماهوه
تدّعي الاسلام شوهت الاسلام
لأن طرحك فارغ ابلا محتوه

جدّدت دور امك التاكل اكباد
نار حقدك  چم چبد بيها انچوه
داعش انت منهجك منهج يزيد
مرض عقلك ما لگيناله دوه
وانه شيعي واقتدي بآل الرسول
وحب محمد واله بگليبي انطوه
انـــي علمني علي روح الثبات
ومن عزم حيدر عطش عزمي ارتوه
راح اجيك وهمتي اتزيل الجبال
كون اطردك من اراضي نينوه⁠⁠⁠⁠




  • المصدر : http://www.kitabat.info/subject.php?id=95206
  • تاريخ إضافة الموضوع : 2017 / 06 / 01
  • تاريخ الطباعة : 2022 / 08 / 12