هل اليوم هل اليوم فرحان الفلك
هل اليوم هل اليوم فرحتنه الك
..........................................
افراحِنا بيوم مولد هالبدر
موعود هالكون بيك ويفتخر
مبعوث للناس بالخير ويسر
احبابك احنه اليحاربنه هِلَك
.........................................
يستبشر النور ضوّه المصطفى
يانور الانوار ربّك وصّفه
مولود ياسين ألله اليِعْرِفه
متزلزله الگاع وينه الّي شِرَك
.........................................
ميلادك اشرق بريقه من السمه
مضويّه الاكوان شرّف مقدمه
محفوظ بالخير حافظ وسّمه
خسرانه الاعداء وينه الحاربك
........................................
بيك العلم دام قادر علّمه
يمّ العرش صار وحده وكلّمه
محَّد وصل نار منها سلّمه
بهل المنزله الرب انت الشرّفك
.......................................
تكبير الاحرام شاهد والقلم
كل ولدك اَعلام وانت اوّل عَلم
احكام الاسلام انتم والحِكَم
خدّام خدّام تصرخ والمَلَك
.......................................
فرحانه هالناس والله وتحتفل
تترجّه الامال من يومك يِهِل
اكبار وصغار تدعي وماتمل
تتمنه وتريد مهدي يخلفك
الموضوع السابققناتنا على التلغرام : https://t.me/kitabat
.jpg)
