قصتي اوياك
سعيد الفتلاوي

القصيدة التي قراتها في الامسيه الشعريه

التي اقامها البيت الثقافي في الهنديه

لشهداء الانتفاضه الشعبانيه المباركه

الاربعاء 6 - 3 - 2013

شْماكتبت اشعار ما اگدر اوافيك – سْنين يمحمد ابد ما يوم ناسيك

بانتفاضة واحد او تسعين غدروك – من ثرت عالجور ماخفتاليلاگيك

دوم اذكرك يا صديقي ام ناكتب اشعار – واسأل الرحمان يحبيّب يباريك

بْجنّته ايحشرك حبيبي او يالموالين – انت والابطال اصحابك يخلّيك

شذكر او شكتب چبيره قصتي اوياك – من چنت تسأل عليّه اواسأل اعليك

اجمل ايامي عشتها واجمل اسنين – صحبتك حلوه يخويه او من يجافيك

نقره او نطالع سويّه ابذيچ الايام – من اداوم للدارسه چنت امر بيك

ندخل الصف او نذاكر ويّه الاصحاب – وْمن نحل نطلع يخويه ايدي بِيديك

تحمل اهموم الشباب او لوعة اصباك - تگلي اتمنه نثور اعله الصعاليك

ثوره عالظالم تريد او عالطواغيت - صارت الثوره او اجيتك بيها اهنيك

وانت من بين الجموع اتنادي يا خوي – مْودّعك الله ياصديقي ما ارد ليك

ودعتني او ودّعيتك يا ضوه العين – جتني الاخبار او لفتني ويّه ناعيك

غدرو مْحمد يصيح ابگلبه صابوه – جيت اخبرك يا سعيد ابچتله اعزيك

مْصاب ابو جاسم يهمك وادري ياذيك – من سمعته انفجعت الروح او تناديك

الموضوع السابق عشق مقطوع الوتين

قناتنا على التلغرام : https://t.me/kitabat