وصي الهادي نبينه
سعيد الفتلاوي

وصي الهادي نبينه 2

.

الخليفه  الاوّل  انت  شْما يگولون 

ولي الدين وْ امامه يا علي تْكون

.

وصي الهادي نبينه 2

.

................................

.

.

الشاهد الله عْليهم بْيوم الغدير – الخان عهد المصطفى وْباع الضمير

البايعو غيرك يِصِير الهم  امير  –  ركبو العار وْ لگو بئس المصير

الخزي صار الهم وْسام – خسه السمّاهم اَعلام

.

جُرُمهم اذّه الاسلام – جرح سافر فلا يِلْتام ويْهون

.

.........

.

انت سيّد اوصياء الله العظيم – وانت ميزان  العداله المستقيم

من بعد طه النبي انت الزعيم –  واليخالف هالحقايق للجحيم

منو المثلك يكرار – قسيم الجنّه والنار 

.

تِظل سرّ مْن الاسرار – فقط ربنه وْ رسوله بي يِعِرفون

.

.........

.

لا امير خْلافك  عْله المؤمنين  –  يا ابو اليمّه الهدات  الطاهرين

الباري خصّك بيها هادينه الامين – وْبيها آمنه وْ ثِبَتنه عْله اليقين

امير النه وْ نواليك – ولينه وْ نفتخر بيك

.

عَدونه اللي يِعاديك – الهمج واهل البدع خلهم يسمعون

.

.........

.

ما ركعت الغير ربّك ذي الجلال – وْ لا عِبدت اصنام يا خير الرجال

وانت اوّل عالصحابه بْلا جدال  –  صافي  طاهر اصلك وْمالك مثال

نفِس طه نبينه – فلا مثلك ولينه 

.

فخر ليك انتمينه – التبع نهجك ربح وآخرته مامون

.

.........

.

احنه  واليناك  والحدّ  الممات  –  بْغير نهجك  ما نِعيش  بْهالحياة

رافضيّه وْ ما نهاب اعته الطغات – شْما نِشوف مْن المحن والعاديات

عهد لاسمك فده انروح – فداك المال والروح

.

قليل الراح ويْروح – اليِضَدّك يالولي هم ناصبي وْ دون

الموضوع السابق هذا مرشحكم

قناتنا على التلغرام : https://t.me/kitabat