عز الذي يلطـف بحالـي
لي من  ترديـت  ناديتـه
يرحم ويغفر ويرثـى لـي
وانا من  الجهل  اعصيتـه
ما اني علـى الله محتالـي
كليـت ذنبـي ومليتـه
وحده كشف كل اسراري
واللي اقترفتـه واخفيتـه
طال الصبر طال مشواري
غبني على جـرم سويتـه
محد سأل كيف اخبـاري
جرحي هزمنـي وعانيتـه
ومحد طرق يوم فـي داري
واقفلت بابـي  ورديتـه
دائم اداوي  جرح  جاري
وجرحي ينزف  وواريتـه
في بلوتي عشت  محتـاري
وا ضحك  لغيري  وسليته
اكفكف ادموعي و اداري
وهمي مع الوقت خاويتـه
يامن على الغيم  متعالـي
داويت ايـوب واشفيتـه
ضائق وخانتني  افكـاري
وارجوك ياللـي ترجيتـه
ترفق  اناديك  باشعـاري
وبكـل حـرف تهجيتـه
ضيعت حلـي وترحالـي
وكـل حلـم  تمنيـتـه