الشتال
ابو ماجد الزيادي

 يمن وكت الشتال تشيل مرواح *******أريد أكتبلك الرد ليلة العـيد

ليش تصير شـجره بغير سـبّاح *** وتضل مسحگ لمعبار المگاريد

يـبن واسط الراد الظيـم ينزاح * يضعـرس من يلاوي يصير صـنديد

موش أيصير خيط أبساع يللاح **ويخاف أمن الصفير بغير تهديد

كون الثوب صار بسبع ترواح *** بعـد شلّه بحياته وفـرحة العـيد 

يحط دمّه بجـزازه الراد يرتاح ** موش أيعيش خايف دوم رعديد

يضل ليله طـويل بغـير مصباح* وتضل محنتهم شما جالها تزيد

حتى العنده باجي فضالة أجناح * يفر بس ما يصحله أيطير لبعيد

السفينه التنحدر من غـير ملاّح *** يكون الرادها تـوچي يمد أيد

موش يگـوم يبچي بعـين تمساح ** وذا شلهت يهد وي الهواديد

چانت ناسنه تتلاحگ الطاح * وهي الچانت گبل تفزع أعلى الويد 

يشيلون الكلافه أعليهم ارماح **** واحدهم غـيور وشـوفه أبعـيد

واذا گالو بذاك الصوب الأصياح * حـط ايده برفيجه وفاج فرد أيد

يـفزع حتى كونه بعازت سلاح ****** ولا يتنه لماترد الـمراديد

لليمتها تضل مجهول يا صاح ** صفر كتر الشمال تصير شـتفيد

كون تريد گاعك تطگ قـداح **** عـوف اخيالتك مـن غير تحديد

ترى الما يروي گاعه موش فلاّح * ولا يگدر يلم عـونة حواصيد

ولا يگدر يلم عونة حواصيد

 

الموضوع السابق حوار مع الشاعره التونسية لمياء عمر عياد

قناتنا على التلغرام : https://t.me/kitabat