هوسات للامام علي ( ع )
سعيد الفتلاوي

اميري ياعلي مولاي شَحْچيلك
حبيبي والگلب ولهان يشكيلك
اجيتك يالولي هاليوم اسعيلك

هنياله من يوصل گبته
,,,,,,,,,,,,,,,,,,,,,,,,,,,,,,,,,,,,,,,
ازورك جيت متعني الك مولاي
اريد احچي بهمومي يا امل رجواي
يَباب الرحمه للحيران يا سلواي

اتعنه واشكيلك همي
,,,,,,,,,,,,,,,,,,,,,,,,,,,,,,,,,,,,,,,
اجينه يا علي الگبرك نِناجيه
نِطيح عْله الگبر عنده ونِحاچيه
يريحت تربتك للحاير تواسيه

والينه حيدر نادينه
,,,,,,,,,,,,,,,,,,,,,,,,,,,,,,,,,,,,,,,
علي بِاسْمك نِباهي الناصبي ونخزيه
على عناد النواصب هالاسم نفديه
هلا بشيعة علي والعن من يِعاديه

فَجْرونه ونوالي حيدر
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
اسالكم الدعاء بحق امير المؤمنين ( ع )
......................................................
خادم اهل البيت ( ع )
الشاعر ....

الموضوع السابق الكوميديا الثقافية

قناتنا على التلغرام : https://t.me/kitabat